أكاديمـيـة العرضـة الجنوبيــة - ربـاع - عرض مشاركة واحدة - , :+: آخ ـر مراسيـ / لي :+: , لـ مشعان البراق

07/12/2009, 02:21 PM

ايه أنا أدري .. ما يخون الا الزمان
وأنت صادق في عهودك ما تخون
ايه أنا أدري .. ما على الدنيا أمان
والدليل : اللي يجون , ويرحلون
ايه أنا مصدّقك لكن كيف هان
الغلا اللي كان في نون العيون !
روح , لو تأخذ معك حتى المكان
لأن ماله طعم من بعدك ولون
روح ما أنت أول من استؤمن وخان
وخلني .. بين المواجع والطعون !

حنا آنتهينا من زمان ,
وآعذارنا : [ خان الزمان ] !
والا الزمن ؟ ماله خطاء .. لكنها ( زلة لسان ) ,

جفّت :
ينابيع المحبه والغرام
وآخترت .. لـ آحلامي ( طريق ) .. , .. ما آخترت لـ غيابي ( رفيق ) !

آيّة غلا ؟
وآيّه وفاء ؟
وآيّه كلام ؟

تبي الصحيح :
تشوفني لكن ترى ماني بـ / حي ! .. , .. ميّت : وأنا [ وسط الزحام ] ,
ماهو ضروري نتفق !
لكن ضروري نفترق ,

تبي الصحيح :
حنا اتفقنا : (نختلف ) في كل شي !

أقدّم :
( آيّات التعازي ) لـ الغرام ,
وآشعل شموع البعد .. وآطفّي شموع !

قل ما تبي , ومسامحك !
فضفض : ترى ما باقي وقت ,

خذ ما تبي , ومسامحك !
آسامحك ؟ لا ما صدقت ,

ما أظني آقدر لو ( قدرت ) ,
وإذا قدرت أسامحك : ايه انكسرت ,

الله يسامح دمعتك :
( هذا كلام ) ؟
آصارحك ؟ ما جاء على بالي رجوع !

إلى هنا وأستسمحك ,
أبآخذ أوجاعي وآروح !
لـ أول مشاوير العتب ,
وآخر مسافات الجروح !

ماعاد لـ حضوري مكان , ولا لك بـ قلبي مكان !
حنا انتيهنا من زمان ,

قص التذاكر لـ( تقديري ) ولـ( اعجابي ) !

على خطوط الغياب .. ورحلة الفرقا

عزّمت اسكّر عن ضيوف الهوى بابي

حفظاً لـ( دّم ) البحر من زلة الغرقا

افضل / ولا ابقى كذا عايش على اعصابي

ماغير احوّل من رجوم التعب وارقا

لي الشرف .. لو يموت الحب بـ( اسبابي )

لأنه كسر خاطري مع نوحة الورقا

من يوم مات الوفاء .. في عالم احبابي

سمحت من ماطرك .. يالغيمه الزرقا

يكفيني اعيش عندي : شيمة اعرابي

ما تنحني هامته .. للجادل الطرقا !