اصارحك وانا ادري انك من كلامي تزعلين
آكذب عليك ان قلت لك تراك في قلبي هنا ,


انتي مكانك :
. بين قلب
وبين روح
وبين عين

الا اليدين :
اللي من اللهفه تقول ( الله لنا ) ,


عزالله اني ما كشفت ستارة السر الدفين ,
حسبي عليها الكلمه اللي فرّقت من بيننا !


ناديت بـ أعلى الشوق
لكن الصدى صوته حزين ,
بالله شوفي كم خسر صوتي وكم صمتك جنا !


كنك تقولين ..
بـ تطلعك القمر والفرقدين :-
راحت مراويح السحاب ,
وراحت : ( أيام الهنا ) !


( الحب ) :
لو طال الجفا والصد , إذا ما تعرفين ؟
غصن ٍ تلاعبه الهبايب كل ما طال / انحنا ,


ياحايره :
غدر البحر ,
عرفت سرّه هالحين !
من أزرقه ..
يوم أزرق دموعك مثل زَرق القنا ,


غدرني وحطّم قواي ,
ولان عزم ٍ ما يلين !
ووقفت مثل اللي قبل لا ياصل الحلم , انثنى


أنتي وقفتي
في يمينك حب ويسارك ونين ,
فيك التعب واضح ومن ثروة ملامحك اغتنا !


وأنا ..
تحرّيتك مثل من يحترون الغايبين ,
يا مجملّه لون العذاب بـ عين من صبره فنا ,


لـ خاطر ايامي معك .,
متى تجين وترجعين !
مافيه درب ٍ من دروبي ما تقرّبك ودنا !


العمر :
شوفي كم عطيت ولا خذيت من السنين ,
العشق :
شوفي كم خذيت ولا عطيت : من العنا ,


الصدق :
ما جيت اكتسب به لا حنان ولا حنين ,
الشعر :
ما رحت افتخر به .. وآنتظر منه الثنا !


تخيّري
فـ آيّات درب من الدروب وتوصلين ,


العمر
( أنا ) ,


والعشق
( أنا ) ,


والصدق
( أنا ) ,


والشعر
( أنا ) ,