عدت ..


مبارك عليك الجوال الجديد
الله يعطيك خيرهـ ويكفيك شرهـ يتكلم بالجوال << ماادري صح

المهم ..كل مجمتع فيه الغني والفقير وتميز الدين الاسلامي بإهتمامه بهذه الفئه
ووصى بالرفق بالفقراء والمساكين بالتعامل والعطاء حتى ان كفارة بعض الذنوب تكون بالتصدق عليهم والشعور بحاجتهم ..
عندنا الحمد لله تم تنظيم الامر بوضع مراكز وجمعيات خيريه تعنى بمثل هؤلاء وتعطيهم مايسد رمق العيش ويغنيهم عن الحاجة الا اذا احد من الجيران او الاقارب اعطى لتكون عند الله ماتنفقه يمينه مالا تعلمه شماله ..

ولكن في مجتمعنا السعودي
التفت غنينا ان الفقير ليس بحاجة مايتمتع به من نعيم.. وفقيرنا بحث عن الكماليات
ويمكن ان تسألي اي شخص يعمل في هذه الجمعيات ويبحث في الامور الاجتماعية لمثل هذه الطبقة ..

ولهذا استسهل الجميع هذا الطريقة "نساء ورجال واطفال " الوقوف امام احد المحلات او المطاعم او المساجد وكأنه يقول انت تقضي حاجتك وتتمتع او تقابل ربك ولا تعطيني شيء
وتكتمل اكسسوارات تلك التمثيلية من احضار صك أو ورقة لا يُعلم محتواها
او طفلة صغيرة اتسخت ملابسها او طفل رضيع (طبعا تكون دهنت وجهه بمويه وسكر علشان يتجمع الذبان عليهم ) << بس بعرف الدنيا نظيفه ليش بس هم عليهم ذبآآن
واذا كان الطفل مزعج شوي جابت له كرتون وحطته فيه :busted_re
ومع هذا المسلسل المؤثر ومع شعبنا السعودي الحنون أكيد الكل بيعطيها الا عاد من قاسي القلب والمنتقد جلوسها امام الناس ..<< وانا منهم

الحين تجلس بالساعات // ماعندها بيت وعيال تروح تشوفهم

ولو ان جهة مكافحة التسول تقوم بواجبها لما ضاع الفقير المحتاج مع من يقضي يومه لليحصل على كمالياته ..
وايضا الجمعيات الخيرية لاتستطيع ان تقوم بعملها في أعالة الكثير من الاسر الفقيرة
واتهمت انها تعين فئات الارهاب وغيرها <<هم يقولون مو انا




وايضا مثل هذا يحدث كثيرا ..
في احد المرات وصلت مكافحة التسول للقبض على امرأة متسوله بعد ان بلغ عنها احدهم
وأكتشف بعد ذلك انها أجنبية زوجة معلم مدرسة وليست في حاجة وانما تقضي وقتها في مهنة لا تحتاج الا استعطاف الناس دون اكتشاف امرها ..

وفيه بعد بنت صغيره تقريبا بصف رابع ابتدائي معروفه عندنا ..في محطة بنزين وتوقف السيارات وتطلب ..اذا مااحد عطاها لو تشوفين اللسان ماتقولين بنت صغيره ..وبعد يابخيل طيب اذا بتنزل البقالة جيب لي بايسون وتويكس << تنقي الاخت

مثل هذه الطفلة ماذا سيكون مصيرها ؟؟هي وغيرها من اطفال اعتادوا على الطلب والشحاذة ؟؟
والله هذه الفئة انتشرت في المجتمع بشكل كبير .. وبعيدا عن انها تشوه المظهر الحضاري للدولة فقد نكون نساعد على انتشار امر خاطيء ...!!


الأخت العزيزة // همسة شوق
يعطيك العافية
موضوع جميل ..أستمري
هذة وجهت نظري تقبليها بصدر رحب