السبيه صح بدنك وانافدى وجهك لا تقعد تتحلّف فيه ونحا جاء معك رفيق(ن) لكن باعلمك بسالفة جد الهجير والوالد الله يرحمهم برحمته الواسعة تلاقوا عند صافح(ن) بيننا وبينهم والوالد كان معه عطيف(ن) قال القحم عبدالله وش معك يامحمد تهز العطيف والله مافكرت فيك وانته والله ما فكرت فيه واصبحت مثلة
سمّار أشكرك جزيل الشكر على كلامك الطيب وهذا من طيب أصلك والقلوب شواهد وانا أخوك والله اني انا بعد حبيتك وأرتحت لك حتى إني قلت لأحد الأخوان شكل الرجال هذا يعرفني وأعرفه على العموم يمكن البعض يقول انا مانفهم القصايد وهذا من حقه لأننا مانعلم الغيب ولا معنا جن تعلمنا ,مامعنا الا ما يبدي قيس وجوهنا وفي الأول والأخير أنا شخصيا أعترف إني ماني شاعر ولا يكون اني مع البيضاني وعبدالواحد وهذا الكلام أقوله بناءا على رسالة خاصة وصلتني من أحد الأخوة يقول فيها إن السالفة بعيدة عن رباع ولهذا حبيت أختم مشاركتي في هذا المتصفح قبل أن أغيب لمدة عشرة أيام الى أسبوعين بهذا البدع ومن يناسبه يرد ولا خلوه لين اعود وارد عليه
البدع من اللبيدي=
.=
مادرينا ويش سدك ياشفا حتى لفا المرسال=
قال وش ديرة تشوق وقام يقنعنا ومريناها=
لنّ فيها مدرسة بالكمبيوتر واسمها موجود=
ونّ فيها النحل يحمي عالخلي لو حسّ نتع الذر به=
واهلها من ياتعدّى يكتفون أيديه بالشّرك=
واثرها من جملة أرض الله غدا كل(ن) يطوّل عمرَه=
والعرب قاموا جكار(ن)في مناصبهم ودارهم=
وغدوا يتمدّحون بلا قتال وكل سيف(ن) غامد=
والحكومة ريحتنا مالبنادق والمعابري=
ما بقي إلا نحمد الله والمقاضي كلها بالغانم=
واهل ديرة سين جيم الله يغني عن دروسهم=