لي ثلاث أسنين من موقع لثاني =أتلمس رمز شوقي مالقيته
يمكن أنه في طريقه مالقاني =ويمكن أنه ماتعدى باب بيته
-أتميلح فالمواقع من لساني =والمقابل مثل ما اسوي قريته
كن ساعات المحادث لي ثواني =وكن ألي فالنت قيله ثم بيته
وفي بحوره كن لأحلامي مواني =وكل من واصل أقول أني فديته
أمتلذذ بالسوالف والمعاني =واطبخ الطبخه على ماني نويته
أثر مقصود الغلا ماهو بهاني =مبتلا بالهيلمه وانا أبتليته
أن تأخر صرت أهوجس في مكاني =وأتخيل صورته وأقول ليته
لين كل أعلومهم صارت بياني =لوم والا سوم شئ ن ماهقيته
وأنتبهت وثار مني مادعاني =للتفكر في اصالة ما بديته----
عرقنا الدساس غالب يافلاني =والخيار أخيار لامنك شريته
أطرق الأبواب وأطوال اليماني =ساس بنيانك أساس اللي بنيته