للشاعر الكبير عبد الواحد الزهراني والشاعر الكبير ابراهيم الشيخي هذه القصائد الرائعة :

البدع : عبد الواحد الزهراني

يا بلدنا عساك ان شاالله ابخير ومعيد بعيد
دايم والزمان يدور بك والنواصي تتجه لك
دايم وانت شوكة عين للحاقدين الطامعين
بعد ما التم شملك جا يقسم ترابك ذا يقسم
من بقايا الهنود الحمر والزرق واحفاد العبيد
لكن يا كنقرس لاهنت لا تحسب ان الامر فوضى
احذر اتشبه ارقاب الخنازير باعناق الجمال
يابا الله ثم يابا كل رجل يقول اني سعودي
ما نطيعك لو الشمس اشرقت من محل غروبها
لولاكم يا عدانا ما غدى عالم الاسلام كنه
لوح شطرنج والا ثوب شحاد من مية قماش
افريقي واسيوي ومغربي مشرقي سنه وشيعه
فرقتهم حروب كان عنوانها فرق تسد
آنا باسم السعوديين في العالم اعلنها تحدي
ان قدرتم على تفريقنا لا تعدونا بشر
حنا وانتم عيال اليوم واترك صلاح الدين مات
لا تقول انشدو التاريخ قدني غسلت ايدي منه

الرد : ابراهيم الشيخي

ابتدت رحلتي يالله عسى ما في الدنيا بعيد
وانت يامن تزاحمني على الدرب ما داريت جهلك
اعلم ان العداله قايمه والزمن لطام عين
واعلم اني سقيتك شهد يوم ان قلبي ذايق السم
واعلم اني صنعتك للعلا والمعالي صنع بيد
جيتني اليوم تحسدني على الخير وتقول امرفوضا
كل همك لتشتيت الاماني وتشويه الجمال
ما دام اني مقدر حالتي في شقاي وفي سعودي
ما دام اني منعت الناس عن كلمة يغرو بها
سم حالي بما ودك تسميه واعنا به وكنه
وان دخلت القصر لا تحسب الباب والاغلاق ماش
وآنا من كل عين اقرا الحدث وافهم المغزا واشيعه
فلسفه بين عين العين من بعدها الفاقه تسد
توني فاول المشوار اجاهد ولا حديت حدي
انتهى يوم واقبل يوم ما جا بخير ولا بشر
والعطا لو تكاثر وانقطع ضاع ما ودي نمات
والقليل المبارك يبذله صاحبه ويديمنه