[align=center]
بسم الله الرحمن الرحيم
شرفني مشاركتكم وتعليقاتكم
لقيت قصيدة تنطبق على بعض الطامعين في الدنيا واعجبتني وحبيت انقلها لكم
[/align]
ابن يرغب في الزواج من بنت عمه
قال القصيده التاليه
سبحان من يرزق اصحاب الملايين *** الرازق اللي مايخيب الرجا به
لي عم عنده معرض للصوالين *** أموت وأعرف بس من وين جابه
وإذا سألته قال بعت الدكاكين *** مايدري إني ماهضمت الإجابه
الشاهد إني رحت له قبل يومين *** في قصره العامر ودقيت بابه
قال ارحب ارحب عد ورد البساتين *** يامرحبا باللي لفا ياهلابه
قلت البقا عد النفل والرياحين *** ياشيخ شمل أهل الكرم والذرابه
قال اسلم الله يحفظك لي من العين *** وآمر أوامر حضرتك مستجابه
قلت الصراحه طالب قرب غالين *** ودي تزوجني كريمتك يابه
ثني وقال أهلين والله وسهلين *** والكون ترخص لجل عينك رقابه
لكن ترا عندي شروط وقوانين *** قلت اشرط اشرط ياحبيب الغلابه
قال اولا مهر العروسة ثمانين *** غير الرسوم وغير حق العصابه
والثانية عمك يبي منك سبعين *** رسم الأبوة والنسب والقرابه
وام العروسة حقها منك ستين *** عشانها ست الحسن والمهابه
وأخوانها كلن يبي منك خمسين *** عدا ونقدا تندرج في حسابه
وأخواتها الخمس اعطهن من ثلاثين *** عشان تتوثق عروق النسابه
وتجيب طقم عيار واحد وعشرين *** وخاتم من الماس المصفى ترابه
واكياس متروسه كعوب وفساتين *** ألوانها واشكالها ماتشابه
وموتر بسواقه وفيلا بدورين *** أثاثها من بطرته ينحكابه
واحجز لها قاعه بقصر السلاطين *** واحجز بها رقاصتين وربابه
وامنع دخول أهل اللحى والبزارين *** واعزم أمير المنطقه بالنيابه
هاذي الشروط اللي على بالي ألحين *** وذكرني اللي ماحسبنا حسابه
قلت أذكر الله ياعدو المساكين *** واستغفره لا يبتليك بعذابه
الظاهر إنك منت عارف أنا مين *** أنا لو ارقا فوق متن السحابه
ماجبت حتى درزن مواعين *** واضحك بكيفك واعتبرها دعابه
شروطكم هاذي شروط المجانين *** شروطكم شغل ابتزاز ونهابه
شروطكم تقسم ظهور البعارين *** شروطكم همّن وغم وكآبه
شروطكم والله سيوف وسكاكين *** تذبح بنات المجتمع وشبابه
وين الرضا والعطف واليسر واللين *** الله ذكرها الله بمحكم كتابه
وين الصفات اللي أمرنا بها الدين *** وين أختفى نهج النبي والصحابه
ياعم جعل اللي خلقنا من الطين *** يرد عقلك من خطاه لصوابه
ويجعل نصيبي عند غيرك قل آمين *** ويحسن عزا الصابر ويجزل ثوابه
قال أنت لو فكرت تفكير صاحين *** ماشفت في مجمل شروطي غرابه
حنا بعصر العولمه والمزايين *** ماهو عصر الفلسفه والخطابه
الناس تسعى للرتب والنياشين *** وانت اهتمامك بالشعر والكتابه
والشعر ماينفعك لو هو دواوين *** مادام جيبك مثل بيت الخرابه
يابوك لا تسمع كلام المصاخين *** واسأل مجرب عاش وسط غابه
قلت الله وأكبر يامحرر فلسطين *** من يسمعك يحسبك ذيب الذيابه
تراك شايب راس مالك ريالين *** والبنت ماتسوي جناح الذبابه
قال انقلع مالت على وجهك الشين *** لاعاد اشوفك عندنا يالزلابه
قلت ابشر ابشر لكن الباب من وين *** واقفيت من عنده على صوت بابه
[/align]
وسلامتكم