هذه القصيده قلتها في الاخ الكبير في مقامه وقدره
عبدالله اللبيدي ومعرفته مكسب وصحبته شرف
ومهما قلت لا اوفيه حقه وارجو المعذره على القصور
سلام يا وجه السعد والخير=يا ابو محمد يا رفيع الشان
للمدح عبدالله اللبيدي آمير=وللمذاهب والشيم سلطان
اقدّره واغلي له التقدير=روزة شباب الديره والشيبان
يجود ويلبّي الندى ويجير=ويكرم الخطّار والضيفان
لو نتّجه لا منزله ونسير=رحّب بنا ترحيبة الصفطان
عاقل وعارف للامور يشير=وللضيافه والكرم عنوان
شاعر يروس المعرفه ويدير=يحكم نضام الشعر والاوزان
قصيدتي بعضً من التعبير=ما توفي الابيات والقيفان
انا اشهد انك يالبيدي غير=عالي مقامك ياصقر شيهان