17/03/2010, 04:47 AM
|
|
|
الشاعرة الجفول 0خنساء الخليج تحييكم من الكويت
بسم الله الرحمن الرحيم والصلاة والسلام على رسول الله
بعد غياب طويل عنكم أيها الأحبه اليكم النص بلا تكلف فتقبلوه كعربون محبه وأنصفوه كعهدي بذائقتكم التي لم تخذلني أبدا
رفضني قلبك اللي عدني من سيـدات الحـور
هذاك اللي على خبري حنون وطيـب وغالـي
حبيبي كان يهديلي وطن عمري وبنـت النـور
وش اللي صار ياربـي ماعـاد بحبنـا يبالـي
أنا كنت الشعاع اللي ينـور عتمـة الديجـور
وأنا كنت المحيط الشاسـع المترامـي العالـي
وأنا كنت المرايا والزوايـا والشـرف والـدور
وأنا كنت الغرام اللي على قربـه بـرا حالـي
وانا كنت الحبيبه والصديقه عنـد ذاك السـور
وأنا كنت الحلال اللي يبـي لامـاه مـا نالـي
وأنا كنت الفضاء الرحب لامن حلق العصفـور
وأنا كنت الشموخ اللي يغيـض بجـد عذالـي
وأنا كنت الوجود اللي يبـدد خيبـت المقهـور
وأناكنت الأمان اللـي يبيـه المبعـد الجالـي
وأنا كنت السنابل وأغنيات الليـل والمحظـور
وأنا كنت الفصاحه والحضور بحضرت الوالـي
وأنا كنت التقى في قلب مؤمن ما شهد بالـزور
وأنا كنت النوايا البيض فـي حلـي وترحالـي
وأنا كل أغنيات أمي وهي تلفـح سنـا التنـور
وأنا مهره على صوت الحوافر جتـك تجتالـي
وأنا كنت المطر لامن تساقط بالفيافـي البـو ر
وأنا أحساس الكريمه في ثياب العـز تختالـي
أنا شعور النسا كل النسا لا درهـم المظهـور
وأنا هقوت شجاعن قد تحـدى ألـف خيالـي
تعال ورد لي روح الحيـاه بعمـري المهجـور
يا أروع من سكن بين الحنايا العوج وأختالـي
يا عطري يا أرتعاشت خافقي يا عالمي لمسحور
يا أول حب في عمري يا طعم السكـر الحالـي
تحياتي
الجفول من الكويت العزيزه
|