أصغي لصوتك ولا جاني نداك
في جمالك سحر .. وعيونك .. هلاك
الــــوضيحي منك ســــــارق مـــــدمعه
طبعـــك انّك مــــا اتّصنــــّع مستحــاك
خـــذت لفتــــات الغــــزال ومــرمعــه
ارفـــــع المنشـــول لى داجــــه كسـاك
لــــف منشـــــول السّبايــك وارفعـــه
غــــط به نـــور البيــــاض اللـى زهاك
خـــل مـنشولـــــه يغطّـــي مفـــرعــــه
لا تشـــوفك شمسك اللى فــي سمــــاك
لـــــو تشوفـــك تنحنــــي لك خـاضعه
الـبـــدر يبدي خســـوفــــه من ضيـاك
كــيف روح ٍفـــي هــــــواك مــــولّعه
في لقاك آكـــون في حــــال ارتبـــاك
وكــــل شيٍ يختلف عـــن مــــوضعه
أصغـي لصـــوتك .. ولا جاني نداك
اتّجاهــلني وصـــــوتي تسمعــــــــه
تاه قلبي غصب عنّي فـي هــــــواك
ليت مــن خـــذه بظــــلايم .. رجّعه
الــمحب اللـــى بإحســــاسه رجــاك
عمـــره الغالي بـــــوهمك ضيّعــــه