ياصاحبي ما حدني يـم القصيـد=الا أنـت يومنـك معـي طولتّهـا
ياصاحبي لاقلتها ويـش الجديـد=ماعـاد تفـرق قلتهـا ماقلتـهـا
أن كان قلبك من حجر قلبي حديـد=وأن جات منك الناقصـه كملتّهـا
ودك لكـن الله يفـعـل مايـريـد=كم حاجتاً في خاطـرك ماطلتّهـا
عنـي ليـا حديتنـي لأم العبيـد=تـرى فجـوج الارض ماقفلتّهـا
واليا بغيت الصدق والعلم الأكيـد=كـل الملفـات القديمـه شلتّهـا
لكن شوف البرق يلمع مـن بعيـد=وأشتالها عني مثل مـا أشتلتّهـا
وأن غنت الورقا على خضر الجريد=تبي تعرف النفس وين أوصلتّهـا
ياما نصحتك مير نصحي مايفيـد=ركبت ظهر أبليـس ليـن أكلتّهـا
أدفع ثمنها كاش مـن دم الوريـد=ماعـاد تنفـع قلتهـا مـا قلتّهـا