يالي عشانك كتبت الشعر واتقنته=وابحرت به في غرامك واعتلى شانه
والبسته البشت بالحاني وشيخته =خليت الابيات تتغنى وطربانه
عشانك الشعر طوعته وزينته= واصبحت بالشعر ميزانه وقيفانه
في لون خدك رسمت الشعرواحفرته=واخذت بحره من اعيونك وشطانه
والبسته الحسن باسمك يوم دونته=يرقص قصيدي الا غناك بالحانه
ياما تغنيت في حبك وصورته=دنيا غدت بالوفا والصدق مليانه
كم مره الشوف صدقتك وكذبته=والقلب يضحك وهو في قمة احزانه
الله حسيبك بقلبٍ فيك علقته=واصبحت دوره وحكامه وسكانه
يا كيف قلبك تجرا يوم عذبته=واشعلت في داخله حبك ونيرانه
في حبك القلب واسيته وعزيته=الحزن بيت العزا والغدر صيوانه
من بعد موت الوفا وش عاد ما قلته=انا الوفا صورته واما انت شيطانه