جيتك على نبض القوافي وناصيك=تنبض بك ابياتي وتبدي ولاها
جيتك وحر الشوق فيني يناديك=بين الغرام او بين عينٍ وماها
رسمت لك في داخلي شي يظاهيك=قمرا يعم الكون كله ضياها
البارحه طيفك يجيني واناجيك=اشوف صوره واتمنى لقاها
ناهيك عن شيٍ بالاعماق ناهيك=شيٍ ينسي المرضعه عن ضناها
والا الحنايا لا على صوت داعيك=لولا الملام اقول صوته حناها
احيان اقول اني مع الناس ناسيك=لكن روحي ما تخلي عماها
افز واتلفت الا حل طاريك=واقول في نفسي تحقق رجاها
الله لو تدري وش الي بغاليك=اظن تترك ديرتك وانتماها
لا تحسب اني ياريش العين ناسيك=حتى ولو تبدي اليالي صفاها
اذكرك واخلي المخاليق واجيك=حتى ولو روحك تزايد جفاها
وش عاد باقي لا تناسيت ماظيك=انتي وطن روحي وحبك سماها