بقايا حطام

ياحـــروف القصيده وش بقـــى من حروف
كــــل شــــيً كتبته وش بقــــــــى من كلام
يمكن القلب يقســــى لاجـــبرته الظـــروف
يعكــــس السيـــر حتــــى في طريق النظام
يمكن العــــين حتــــى ماتعــــــود تشـــوف
يمكـــــن الصبر يعلـــــن لحظة الأنهــــزام
كــــم صبوراً يقـــــاوم حــــد طعن السيوف
وكــــم شجــاعً حبس خوفه من اجل المـلام
لـــي متـــى القلب فـــي لحظة تردد وخوف
كــم يجامــل وهــو يشكــي طعــون السهـام
مثل طبــــع الـكــريم اللـــي يحب الضيوف
يكـــــرم الضــيف لـــو يبقـــى بليـا طعـــام
ارحــــم القلب ياخلــــي وخـــلك عطـــوف
نمت عالشـــوك لـــــو مرقدك ريش النعـام
البشـر جالســـــه وانا ارتضيت الـــــوقوف
احتري النـــور يكشف لـــــي دجايا الظـلام
انا رغـــم ان قلبـــــي بالمـــــوده شغـــوف
مااحب الغـــموض اللـــي حجبـــه اللــــثام
بعضهــــم صحبتــــه حمـــلً تشيلـه كتـوف
والبعض بينك وبينـــه مجـــــرد ســـــــلام
لاصبح العمر يجري وش بقى من حسـوف
وش تبي الريــــح تاخــــذ من بقايا حطــــام
وش تبي الريح تاخذ من بقايا حطام
وش تبي الريح تاخذ من بقايا حطام

ملك الليل