تقبلوها بقلوبكم الطاهره
آخر محطات قطاري المتهالك
الله يعين إحساس صدري لأحتضن صدر الوداع=كيف أترك أشواقي ونبض القلب كيف أوآدعه
حزين وأدري في رحيلي بطرق أبواب الضياع=بأحتار وأتشتت وأحس ان الليالي ضايعه
مع إحترامي لإتجاهاتي بعد فرقى رباع=ما ضنتي بلقى بديل اللي فراقه فاجعه
أنا وأحاسيسي ولهفة خاطري رحنا جياع=لكن جروحي والطعون الخضر راحت شابعه
بروح والدنيا صحاري جرد وفجوجٍ وساع=بروح وأتسكع شوارع وأرض ربي واسعه
لا صارت الدنيا تمايل بين رغبه وإمتناع=الفرح ما يطرق على باب الحزن وش مانعه؟
المعذره يأحباب قلبي لو يطول الإنقطاع=والله يصبرني على قلبي وكثر مواجعه
شكراً لطيب قلوبكم ! شكراً لحسن الإستماع=ياللي غلاكم وسط قلبي يستحيل أوآدعه