|
قصائد من شريط قديـم جدا ( ابن مصلح والغويــد
الزوار الكرام : السلام عليكم ورحمة الله وبركاته ، قصائد قديمة جدا ومن شريط عفا عليه الزمن أنقل لكم هذه القصائد الجميله للشاعرين الكبيرين محمد الغويد والشاعر محمد ابن مصلح فنترككم معها :
البدع : ابن مصلح
تنظروا في شيبنا يا شباب
اللي كما الاسدان والا الذياب
يفوق عمري لا سمعت الزياره
والحفله تربا بي وانا اربى بها
الرد : الغويد
فالبحر محد حط للنش باب
من عادة آبو زيد والا ذياب
ودي نزورك يا محمد زياره
ونشوف عز الديره واربابها
البدع : ابن مصلح
اي ولدنا يبدي مع كل باب
بخيلهم يلقى الردى والعذاب
لباس جنبي يوم بيتل وزاره
والقوم ننزيها لمحنابها
الرد : الغويد
ترى محل الجود ما انكل باب
واللي على الجودا تمايل عذاب
منزل سعد يشبه لبيت الوزاره
وافكار للعالم لمحنا بها
البدع : ابن مصلح
انزيتني بين آلاسد والذياب
آقولها من صدق ماهو كذاب
والعلم جا له وردة واصطداره
وانتم سباع الخلو وذيابها
الرد : الغويد
من لامني جعله بشلفا ذياب
من يامنك لو صار فالمن كذاب
راع الجميله ينتبي عالصداره
وآقولها فالصدر وذيابها
البدع : ابن مصلح
ودي نعلم حاضر والغياب
ما عاد لي نيه بساق الغراب
غويد روحني لوادي جداره
مبغي فواكها ولا اعنابها
الرد : الغويد
الشمس ما تشرق بوقت الغياب
والصقر ما يلزم بساق الغراب
واللي بنى في كل وادي جداره
يقول ميدي ما ولعنا بها
البدع : ابن مصلح
يا مسرعه عرض ابن مصلح وشاب
ماني بعريان علينا ثياب
قلب ابن مصلح يوم ولعت ناره
تطفي لهيب وانت شبابها
الرد : الغويد
ما عاد نعرف كيف شيب وشاب
ولا بنعرف جنتك والثياب
اللي بنى المسجد وحط المناره
ما زل عنها وانتشب بابها
البدع : ابن مصلح
اسمع مقاريعي وحق وصواب
من يوم جتنا رسلتك وانتداب
هذا زميلي حط في القلب شاره
ياكل غروس اللوز ولبابها
الرد: الغويد
يا زين والله ذبحتك والصواب
والله مامن علتك وانت داب
أثرك تعلم يا سمي بالبشاره
وتغبي الهرجة وتلبا بها
البدع : ابن مصلح
آنا نقلت البندقه والزهاب
واعرف مقاريع القدا والصواب
بو مسفر الليله تكبر عذابه
ويرمي الشاره ولا صابها
الرد : الغويد
زاعت لك الغزله وكثر الزهاب
وآنا معك في كل معنى صواب
والزرع من قبلك تكبر عذابه
ما جابها حظك ولاصا بها
البدع : ابن مصلح
لا وا عذابك يا سمي بالعذاب
ما عاد نهنا قوتنا والشراب
أيات صوت الزير وأي الربابه
ترمي بروحك وصط محنابها
الرد : الغويد
ياللي تشيل السيف مامن عذاب
والزند ما جاله من الوش راب
ود ابن مصلح وسط وادي الربابه
في كل حكمة ما صمح نابها
آخر تعديل ابوفطيس يوم
27/07/2010 في 07:51 AM.
|