بسم الله الرحمن الرحيم
السلام عليكم ورحمة الله وبركاته
اشكرك اختي روعة الصمت على استضافتي بارك الله فيك
ابشري غالي والطلب رخيص واعذريني على التاخير

أول رمضان قمت بصيامه كم كان عمرك ؟
اول مره اصوم شهر رمضان وانا في الصف الثاني ابتدائي بس والله ماني فاكره صمت الشهر كامل ولا راح منه ايام
* موقف طريف لا يغيب عن بالك حدث لك في رمضان ؟
اذكر وانا في الثالثه عشر من عمري وفي شهر رمضان كان عندنا ضيوف للفطور واثناء تجهيزنا للفطور انا واخواتي جهزنا القهوه والتمر ونسينا الفناجيل مع اللخمه والعجله وصيام وايضا صغيره وماعندي اح يساعدني وقبل الاذان بكم دقيقه اسمع صوت عمي وهو ينادي لؤلؤة هات الزبادي ماجبتيها واروح المطبخ ادور للزبادي مالقيت شي وارجع عنده اقول والله ياعمي مافيه قال يابنت ايش مافيه روحي قوام هاتي الزبادي من درج المطبخ واروح افتح الادراج واحد واحد مالقيت زبادي وارجع واحلف والله العظيم ياعمي ماعندنا زبادي وانا في بالي اقول ذلحين عمي شاك اني اكلت الزبادي قال يابت تجنني روجي حيبيها قوام ولا اسالي اختك اروح عند اختي اقول لها بالله ماشفتي الزبادي عمي مصر والحين يزعل مني قالت لاماعليك فيه لبن خذيه واعطيه قلت طيب رحت عند عمي وانا اجتمع الخوف والحجل والبن في يدي قلت عميي والله مافيه زبادي بس فيه لبن ينفع قال يابت زبادي زبادي للقهوه فناااااااااجيل يابنات اخر زمن اللي نشرب فيها القهوه انحرجت وماعرفت وش اقول ويادوب رديت يالله ياعمي زبادي نشرب فيها القهوه تقصد فناجيل قال ايوووووه المصلح الله ويا للموقف المحرج وامام الجميع وبقي عمي عدة سنوات وهو اول مايشوفني يقول وهو يضحك ياعمي اللبن ينفع وهذا موقف لاانساه مدى الحياه

* برنامجك في رمضان كيف كان وكيف سيكون ؟
بعد صلاة الفجر اقراء قران لمدة ساعة تقريبا بعدها كم ساعه مع كتبي واوراقي واتصفح النت وبعدها انام واصحى في الظهر اصلي وادخل المطبخ اجهز الحلى والمعجنات واشتغل لي كم شغله ارجع اتصفح النت وبعد صبلاة العصر ادخل المطبخ اجهز الفطور وبعد صلاة المغرب اجلس مع الاهل نشرب الشاهي اذا فيه برامج تعجبني وتجذبني اشوفها اذا مافيه انام الى صلاة العشاء واقضي بقية الوقت في الكتابه والقراءه وقراة القران التلفزيون ماتابع مسلسلاته في رمضان ابدا وبعد العيد جميع القنواة تعيدها الى اخر السنه يعني ملحقه

* ماهي الأكله او الطبق الذي يجب ان يتواجد أمامك في رمضان ؟
والله انا اي شيء اكله ماعندي شيء مخصص افضل السمبوسه والسلطه والفواكه الكنافه العصيرات المكرونه بالباشميل والباقي عادي عندي
* هل تحرص على السحور ؟
احيانا وحفاظا على الرشاقه افضل شرب كوب لبن وتفاحه فقط
* شخص تفتقده في رمضان ؟
الوالده رحمها الله وغفر الله لها واسكنها فسيح جناته
* بمن تفكر اول ما تسمع بحلول الشهر الكريم بعد الوالدين الله
يحفظ الموجودين ويرحم من انتقل الى جوار ربه ؟
في جميع من احبهم ولهم في نفسي مكانه
* مالذي تتمنى أن تراهـ في المنتدى خلال هذا الشهر الكريم ؟
اتمنى ان ارى الجميع بخير وعافيه متواجدين جميعا في مشاركاتهم ومواضيعهم ولا ارى احد غائب
* مشهد يسعدك أن تراهـ في رمضان ؟
يسعدني كثرة الزحام في المساجد وفي الحرم اشعر بفرح واحمد الله سبحانه على نعمة الاسلام واسأله ان يجعل دين محمد عليه افضل الصلاة والسلام يعم جميهع انحاء العالم ورى اعداد المسلمين تزداد يوما بعد يوم

{اختر أحد الأثنين }
1- تحب رمضان الماضي ام الحاضر ؟
انا لا اعرف رمضان الماضي ولكن اسمع عنه وكل وقت وله طعم ونكهه ولكن رمضان الحاضر جميل بكل شيء فيه الخير موجود والامن والراحه والفضل لله سبحانه وتعلى قبل كل شيء له الحمد والشكر
2- رمضان في الصيف أو رمضان في الشتاء ؟
بما اننا من سكان المنطقه الغربيه والجو والرطوبه الله يعيننا عليها فأني افضل رمضان في الشتاء
3- في رمضان تحب النوم المبكر أم السهر ؟
والله لا ننام الا بعد صلاة الفجر واحيانا لانام اقل من الساعه التاسعه يعني افضل السهر
4- في رمضان تحب الإجتماع مع الأهل والأصحاب أم الجلوس لوحدك ؟
اكيد الاجتماع مع الاهل والاقارب وناسه وليالي رمضا ن مع الاهل غير
5- وجه دعوه لــ خمسه من الأعضاء على الإفطار ؟ من ستختار؟
والله انا في حيره سؤال محرج ولكني افضل ان اوجه الدعوه للاخوات يعني نخليها جلسه نسائيه والرجال في فرحي يبشرون ارسل لهم سيارات خاصه وهم جميعا بخير تنقلهم من البيت للقاعه ومن القاعه تعيدهم للبيت لا وبعد اخليهم يحيوون لي الفرح على حسابهم

{لمن تقول هذه العباره لأ حد أعضاء (منتدى ربـــــــــاع)}

1- ـغ ـلاكـ فوق وصف ـالغ ـلا
للذي يعجبني بتواضعه واسلوبه الجميل وكلماته التي تجمع الذوق والجمال
2- وـالله ـاشتاق لكـ
لشخص في بالي
3- ـأنا وراكـ وراكـ و الزمن طويل
للي في بالي اضل وراه الين اما يستسلم او يختفي
4- أنسى الماضي و خ ـلينا في الح ـاضر
اقولها للي اختلفت معاه في وجهات النظر وكانت كلماتي قاسه او كانت كلماته قاسيه اقول له انسى الماضي وخلينا في الحاظر

اشكرك اختي روعة الصمت ان شاء الله ان اكون وفقت وكنت ضيفه خفيفة ظل وغير ممله

اجمل تحيه واعذب سلام

اللي بعدي
متعب الدوسي