أمل أن ترتقي هذه الكلمات إلى مستوى ذاوئقكم الشعريه
جيتك وقلبي من لظى البعد محروق=وغصون فكري من فراقك كسيـره
الله وكيلك كيف غربلنـي الشـوق=اعيش انا واشـواق قلبـي بحيـره
كل المشاعر يمك اسوقهـا سـوق=يسوقها لك عاشـقٍ مـن ضميـره
والحب والتحنان والعطف والذوق=اشوفها من دون وصلـك حقيـره
لو صدق بانه كل مطرود ملحـوق=مانـي بديـره والحٌبيـب بديـره
في غيبتك ما كن بالكون مخلـوق=ياواحـدٍ مـازان كونـي بغـيـره
سرقت قلبي والفكر فيك مسـروق=حتـى لوايـع غيبتـك مستطيـره
ليتك تشاهد عبرتي باطرف المـوق=صارت عيوني من بكاها ضريـره
انام في حبك وفـي حبـك افـوق=ولا لي سوى حبك مع الناس سيره
باموت بعدك مثل صـدام مشنـوق=دام المشاعر من وصالـك فقيـره
حبك هو المفتاح والقلب صنـدوق=ياضي عمري والدفـى ياهجيـره
هذي مشاعر عاشق يذلـه التـوق=ارسلتها لك في رسالـه قصيـره
لا تحرموني من انتقاداتكم البنائه ولكم خالص التقدير