بالجفاء روحي
كـنت احسب إحساس في قلبك تخبيّنه
حتى شعرت إنّ روحك عانقت روحي
مــن نبض قلبك ومـــن هــرجٍ تقولينه
صــدّقت حكيــك لأني صـادق البوحي
صحيح مستغــرب اللي بــي تسّـوينــه
ولا هـقـيت إنّ قلــبك صـاير اشحوحي
يـابنت بســألك جــرحي كيف تقـــوينه
وشــلون ترضــين فـيني كثرة النوحي
اهــديتك القــلب وإنتِ الهجــر تهـدينه
واليوم مـن قوّ قلبك صــرت مذبوحي
وان لمـت حـظـي فـحظك لا تلـومينه
باروح بالوصـل وإنتِ بالجفاءروحي
وأنــا اســأل الله حـــالي مــا تشوفينه
الحـزن زاده ويكفي الـروح ياروحي
جـيتك وانا إحساس بإحساسٍ تحسّينه
واقفيت بإحساس يحمل همّ وجروحي
إحساس شاعر