اقول الحب له معنى واقول الحب له مضمون = وحبك ساكنا قلبي مع المعنى ومضمونه
تراك الحب والمحبوب وانت الزين والمزيون = ومن بيعيش في قربك عيونه فيك مفتونه
سمعت الصوت حبيتك وانا من شوفتك مفتون = ومن بيلومني في حب صعب اعيش من دونه
احبك يابعد عمري وتأمرني بعد وتمون = وانا سلمت لك قلبا من اضلاعا يردونه
اعيش ايام عمرا طاف وابني من خيالي كون = واشوفك باتجاهاتي مع اشواقا ينادونه
اشوفك في سماء حبي واشوفك بين طرف ونون = وافز اليا سمعت اسمك مع العشاق يطرونه
ركبت امواج بحر الحب وارقب في سماك امزون = واراقب عطرك الفواح بين الناس يهدونه
انا احبك واحب اللي تحبه ياحسين اللون = وانا ادري الحب ماهو سلعة بالسوق يشرونه
تدلل قلي احبك وانا في حبك المرهون = وخل القلب ينبض حب ويراقب لمزيونه
انا باسمعك حبي مع ابيات الهوى الموزون = وبابني لك مع اهل العشق قصرا مابينسونه
دخيلك خذ من ايامي مع ايامك ولك بالعون= ومن بيعيش بايامه لقي ناسا يحبونه
حبيبي تدري انك بين ضلعان الهوى مدفون = ومن بيحب خله شاف كل الناس بعيونه
الشاعر : البرق اللامع