أكاديمـيـة العرضـة الجنوبيــة - ربـاع - عرض مشاركة واحدة - مدونة ونات ونة جنوبية ( أرحب بمشاركة الجميع في مدونتي )

يمّه أببكي عنـد قبـرك وأناديـك
ياليـت ياكـل الغـلا تسمعيـنـي
يمّه عيوني طـول الأيـام تبكيـك
حرقه ألم واحـزان يانـور عينـي
فرقاك صعب وصادق القلب يطريك
لالا تلومـي كـان زدت الحنينـي
نظرتك تشفينـي ولمسـة أياديـك
لاواحسافـه ويـن ذيـك السنينـي
وين الحنان اللـي بقلبـك يباريـك
أنـا اليتيـم وربـي اللـي يعينـي
البيت عقبك ياهوى البـال ينعيـك
وانا أدوّر فـي الشمـال ويمينـي
يمّه فقدت الصوت ماعـاد اوحيـك
صابر وربي يجـزي الصابرينـي
يمّه رحل قلبـي يتابـع خطاويـك
رحلـت وإحنـا يالغـلا راحلينـي
يالله ياللي كـل الأمّـات ترجيـك
ياحـي ياقيّـوم دنـيـا وديـنـي
أدعيك ياربي واحط الرجـا فيـك
تكتـب لهـا فـي جنتـك جنتينـي
وعوّض علينا يامغيـث المهاليـك
يامنـزل الإسـراء والمؤمنيـنـي
وصلاة ربي حق من دون تشكيـك
علـى محمـد سيّـد المرسليـنـي