*=
الا يانجمـة العاشـق والا يانجمـة المحتـار=والا ياجمل قصيده عشت ماضيهـا وحاضرهـا
اتوه ابدون شوفك بين كثبـان الرمـل وقفـار=واخاف امد خطواتـي دروبـا كنـت عامرهـا
ترى حبي مع غيرك تردت قيمته وانهار=وباقي حبك الخافي مع افكاري وظاهرها
انا ادعس جمرحبك لابدى لي واكتوي بالنار=وغيرك عفت جناته ولا ودي نناظرها
اشوف الكون من حولي ظلاما دامسـا ودمـار=واراقب بديتـك يانجمـة احلامـي واسامرهـا
اشوفك في سماء ليلي واشوفك في سماي انهار=واشوفك بين رمش العين ياعمـري وناظرهـا
اعيش الطير بافكاري بجنحانـه ليامـا طـار=واراقب خطوتك من فوق غيمه جت بوادرهـا
اعيشك ياخيول البيد لاجت ساحـة المضمـار=واعيشك يالغصون الخضر لامريـت ضامرهـا
رسمتك حب وابني في كواكب رحلتي لـك دار=واسولف لك عن اياما هجوس الحب تأسرهـا
اقول لك كم لي آحبك وياكـم تأسـر السمـار=واقلك كـم سيوفـا جابهـا حبـك وشاهرهـا
ترى المرسم من اضلاعي ومن دمي خذيت احبار=وباكتب قصتي وياك ياحبي واغيرها
تقلي ياعساك ابخير اقول لك يا عساك امجـار=من التعبات يامبـدأ حيـاة البـرق وآخرهـا