أكاديمـيـة العرضـة الجنوبيــة - ربـاع - عرض مشاركة واحدة - مدونة ونات ونة جنوبية ( أرحب بمشاركة الجميع في مدونتي )

من قصائد الملك فيصل بن عبدالعزيز
أل سعود ( رحمه الله )
ومحاورات الملك فيصل رحمه الله
كان أكثرها مع الشاعر الكبير
عبدالله بن عبدالرحمن العنقري
المعروف بـ (لويحان)
لانه كان خوي وملازم له رحمهما الله
وهذه واحدة منها
لويحان
الليله الليلـه الليلـه نبـا الطـاروق طـرقٍ غريـب
مثـل الدراهـم الـى قامـوا صيارفـهـا يعدونـهـا
والله مـا ادري يطيـب لسيـدي والا مـا يطـيـب
ان كان ما ناسبت لك يا سنادي جـزت مـن دونهـا
الملك فيصل
الليلـه الليلـه الليلـه شواريـبٍ تـحـد الشـريـب
والاجنبيـه الـى وردت علـى الـمـارد يحدونـهـا
ياذيب ياذيب ياللي جر صوتـه فـي علـو الشذيـب
ذكرت عيني وهلت واهملـت مـن عقـب مظنونهـا
لويحان
عندي خبر بك جروحٍ ما يسر بهـا عـلاج الطبيـب
مير انحـروا روضـة التنهـات ساكنهـا يداوونهـا
من قال ابا اصبر وابا اكنا الجرح لين انه يجيه العزيب
يصيـر بيـن الرجـا واليـاس باعوهـا ويشرونهـا
الملك فيصل
ما نيب زملٍ عليهـا مـن بعيـد ولا قريـبٍ طنيـب
يا عسرها وانت تحسبهـا ولـو صديـت يـا هونهـا
تراي لو صرت عنه ابعيد مرجاعـي عليهـم قريـب
والديـره اللـي نحـل ابهـا عدانـا مـا يحلونـهـا