أكاديمـيـة العرضـة الجنوبيــة - ربـاع - عرض مشاركة واحدة - مدونة ونات ونة جنوبية ( أرحب بمشاركة الجميع في مدونتي )

الحمد للّـه يـوم قادتنـا المناصيـب الثقـات
ال السعود اللي علـى الامـه تظـل ظْلولهـا
اهل العدالـه والاصالـه والفعـول الماضيـات
عدودنا اللـي بالمكـارم مـا تجـف نهولهـا
اهل الوفا والطيب والطالات واهـل المكرمـات
عن الجمايل والفضايل مـا اختلـف مدلولهـا
بقيادة ابو متعب الفـارس زبـون الوافيـات
زعيمنـا اللـي وقفتـه كـل البشـر فزولهـا
رجل السلام وقائد الاسلام ستـر المحصنـات
عادل ويحسب لامة الاسـلام ظمـن عْدولهـا
وخلاف هذا للشعر حضـور وإلـه مناسبـات
ورسالتـه تحمـل همـوم الامـه بمرسولـه
تجسد الاحداث وتجمّـع لهـا قلـوبٍ شتـات
لاجت على رغبات شاعرها وحسب اوصولهـا
وانا معي وجهة نظر واقولها بـلا مْجامـلات
كلمـة شـرف واقولهـا واعيدهـا اقولـهـا
باسم جميع ابناء الوطن اللي لهم قدر وثبـات
اللي سكن بجبالهـا واللـي سكـن بسهولهـا
نبي قرارٍ عاجـل وحاسـم يحـل المشكـلات
عاجل وهـام ويلـزم العقـال قبـل جهولهـا
قـرارٍ يْبلـغ بمظمونـه علـى كـل الجهـات
ويحقق الغايات في عـرض البـلاد وطولهـا
نبـي نظـام عـادل يْلبـي جميـع الامنيـات
يحفظ حقوق الامـه ويرفـع مقـام عْقولهـا
يعطي المواطن حقه ويحميه من بعض الجهات
اللـي تقـدم قبـل شبـان الوطـن مكفولهـا
نبـي حلـولٍ للبطالـه عاجـلات وحاسمـات
بهـا نحفـظ كرامـة الاجيـال قبـل مْيولهـا
شباب الامه ضاع في سود الليـال الحالكـات
عنـه الوظائـف قفّلـت ابوابهـا بقفولـهـا
ونبي العداله سيفها يقطـع يديـن الواسطـات
اللي خذت حقوق نـاسٍ مـن نتـاج حقولهـا
الواسطات اللي تشب النـار بغصـون النبـات
حتـى توقـد بالفنـود وتلتهـم مـا حولهـا
ونبي بعد سن التقاعـد بـه تعـاد النظـرات
لازم يخفّظ لجـل كـل النـاس تاخـذ دولهـا
خمسين عام اظنهـا ياهـل المعرفـه كافيـات
تفرض على كـل الوظائـف دقهـا وجلولهـا
ونبي ما يتعدى الوزير بمنصبه خمس سْنوات
ومعه مدير الدائـره تجـري عليـه فْصولهـا
تغيير او تدوير مـا فيهـا علـومٍ مزعـلات
تجديـد للافكـار وتشيـل الجمـال حْمولـهـا
ونبي حمايه للمواطن مـن نفـوسٍ طامعـات
تلعـب باسعـار السلـع بطلوعهـا ونزولهـا
ونبي حمايه للمواطن مـن جميـع الجاليـات
اللـي يعـاون بالغـدر مكفولهـا مجهولـهـا
ومن غيرنا واجب علينـا نتعـظ بالموعظـات
قبل نصوب الصيف يغرقنـا عبـاب سيولهـا
ناسٍ مع الاحداث اشوف عْقولهـا متخالفـات
اللـي تعـن خيولهـا واللـي تـدق طبولهـا
تحاك لشعوب العـرب والمسلميـن مخططـات
وثرواتها تنهب ويوخـذ ماسهـا مـع لولهـا
ياقادة الامه ترى وضـع السنيـن المقبـلات
يحتاج للـي يرسـم الخطـه يعـرف حلولهـا
تداركوها يالعوارف قبل مـا يفـوت الفـوات
ثم تكبـر الفتنـه وتعجـز بالحلـول زحولهـا
الوضع ما يجدي معـه تخديـر والا مسكنـات
والا تصاريـحٍ تـذوب وينتهـي مفعولـهـا
المشكلـه عمّـة ولا معهـا تفيـد مهادنـات
وسحابـة التغييـر قتّـم عجـهـا بثعولـهـا
ماعاد ينفع مثل ما قال المثل صبـر وسكـات
وهذي جماهير الغضب قامـت تعـن خيولهـا
ان كان ما حققتـوا الغايـات جتكـم ثايـرات
وتوقدت نار الذخايـر مـن سـلاح اسطولهـا
بين اعتصامات تسوق الموت والا مظاهـرات
مـن هولهـا يتـدرق القاتـل ورى مقتولهـا
تدعم جحافلهـا دول وتقـوم معهـا منظمـات
وتصـدر تعاميـمٍ عـن القـادات بانتربولهـا
تحجر على الاموال وتجمّد جميـع الارصـدات
وتدعـم بقوتهـا مطامـع عالـمٍ اصغولـهـا
لها مأرب خاصه وغايات مـا هـي خافيـات
وتاطأ على هامات روس القوم تحـت نْعولهـا
تصحـي الفتنـه وتوقضهـا بكـل الناحيـات
وعلى مساحيق الفتن تصـب مـن محلولهـا
تحرض جهه على جهه وتشب فيها الواريـات
والعالـم الثالـث ضحيـة مكرهـا وفعولـهـا
ومن لا انتبه من غفلته دارة عليـه الدائـرات
واستفزعت عليـه قـادات الظـلال خْبولهـا
وعلى الرسول المصطفى ازكى سلامي والصلاة
عداد ما هلّت من مْـزون النصـوب ثْعولهـا