عطني أمان الحــب من دون زله =وأعطيك مني عهد ما اكذب ولا خون
عطني العسل وبصافي الريق حله =وأعطيك صافي الحب صادق ومضمون
خذ ما تيسر لك وما شــــــان خله =خـــل الكدر يمي وأنا حيــل ممنــون
قالوا لمن داوم على الشــــــهد مله =وأنا معــــك ما مل راضـــي ومفتــون
بعض الخلايق ما يصـــدق بزلـــه =ما يكتفـــون بها عليـــها يزيـــدون
أنصحك يالعاشــــق على غير مله =العشــــــق له تحضير ودروس وفنون
إن جاد حضك في الهوى لا تملــه =ولا تشـــــــهر بالعــــــــــذارى يملــــــون
ياحبيبي لو صــادف الحــب ذلـــه =هــــذا نظــــام الحب ع الكل مســـــــــنون
أنــا على وعـــدي ولا خــــون لله =عطني الأمـــان مقابل الحـــب بجنـــون