ودي تشوف الهم وش لون سوى في حال من حبّك على غير مصلوح

جـرحتني جـرح جديدٍ تلـوّى على خفـوقٍ منك بالحيل مجـروح

وسـويت بي شيٍ ما ينتسـوّى وأقـول يا سـيد المماليح مسمـوح

لـيتك بـزلاتـك علي تـروّى يـوم ان حبي لك من الروح للروح

إن كان حبـل وصالنا ماتقـوّى الله يعين عيون (سامر) على النوح

لا يا بعد من جابواآدم وحـوّا خطاك مهما صار منسي ومدمـوح

ليتك دخلت بداخل القلب..جـوّا حتى تشوف بعينك الجرح ..وتروح

وهذه احدى قصائد الفنان خالد عبدالرحمن ولكم تحياتي