الله يرضا عليك يا زهراني كح
عليك هروجن تفرح الخاطر وتزيل شوائب العمل والأســرة ( الشغل و الصعاليك و أمهم )
يا أخي ما عاد يعجبني العجب ولا الصيام في قصيـِر ورجب
>> واحد يبغى يفتح سالفة ومضيع المفتاح
صراحة أنا دائماً بدياتي متعثرة في كل شيء
وتقدر تقول أني أول من ينادي بس أخر من يتعشا
قد درست دورة بسيطة في الكمبيوتر في حاجة اسمها
بيسك مدري دوس وحلينا كم تمرين
مثل عندك دكان وتبغى تحط رقم لقواطي الصلصة وحققة الرنجوز والمنقة
في الجهاز وعليه السعر ... وإذا جيت تبيع
بس تضغط رقم العبوة ويعطيك الجهاز السعر ويجمعها مع باقي
الأغراض ، وأنت ماشي ... طبعا الدورة مجانا على حساب الدولة الله يعزها
وراحت الدنيا و راحت الأيام
و يجينا موظف جديد في العمل
مجنون كمبيوتر بشكل غير طبيعي هذا الكلام قبل ثورة النت والديسل كانت الساعة بـ 3 ريال في البيت و المقاهي بعشرة ريال وبعضها أكثر ،
المهم أقنعني واشتريت جهاز من عند واحد من الزملاء
جهاز قديم الشاشة صغيرة بس فيها وزن غير طبيعي
وأسلاك وخرابيط واشبك ولا تشبك
و التحميل مثل عدمه ... بس اتلمح نص ساعة و أقفل
شهر و أنا أحوس فوقه والعب في برنامج الدفتر و الرسام
خرب الجهاز رمينا به في المستودع وعليها ،،
كرهت شيء اسمه كمبيوتر ،
بعض الزملاء شرا كمبيوتر وخذ قيمته من عندي سلف
و أنا برضه كاره الكمبيوتر و لا هو عاجبني
خوينا هذا تعلم وصار جيد في علوم الكبيوتر بدون نت
و أنا على ثوارتي صاد
( ومن الطرائف أن صاحبي هذا شرا الجهاز باربع الأف ريال وجلس معه سنه يعفس فيه ويتعلم > نسيت هو سددني و الإ بعد هههه ويزيد يبعه ( يصك به ) على واحد وأنا من الشهود ب 8000 ريال كل شهر 500 ريال اللي شراه كان يداوم من المقهي ... قال خلاص باتوب وأجلس في البيت )
وتروح الليالي و أنا على جهالتي
حتى جاء النت .. صرت أروح مع بعض الزملاء ومن ضمنهم الخبير المجنون
صراحة ما ارتاحت نفسي للمقاهي دخااان وزحمة
جاء اخوي جزاه الله خير واهداني جهاز وصرت اطقطق فيه ... بس الفواتير جز
الساعة 3 ريال ،
كل هذا بعيدا عن عالم الإيميلات و المنتديات مجرد مشاهد
وقبل خمس سنوات وأنت جاي
قررت دخول عالم النت من باب أني صرت أمي في عالم العناكب
واشتري ذاك اللأب توب بذيك الروية
وادهر شغل بس باقي غشيم في هندسة وبرامج الكمبيوتر
خذوا بس هذره
وهالحين افكر أستخرج لي ايفون بس انتظر يصبح سعره في حدود 1000 ريال
والناس كلها يصير معها ... أستحي وأنا في ذا السن أشتري ايفون 4
وش يقول عني أولادي و بعض العقلاء
حتى عين الجمل شرا له ايفون اوووف
أضيع جوالي بارقامه بصوره و أنا أطارد الضبان والحبنه ( حبين ) اللي صورته في دفتر العلوم صف رابع
ابتدائي ... بس أعرف زهراني كح من أي ديرة وشسم قريته
طولنا عليكم ماعليش برضه حتى انا الغدا طول عليه
هااات الغدا يا مره