على تقاطـع شـارع الموعـد مـع شـارع جفـاك=
لهفـة لقانـا واجهـت دوّار الأعــذار الرهـيـب=
حتى الإشاره ..طبعها تحمـرّ فـي وجهـي معـاك=
والظاهر إنّي رايح أفتـح شـارع الخدمـه القريـب=
يعنـي إذا حانـت لـي الفرصـه هنـا والا هنـاك=
القلب مايهنـا معـك .. والجـرح لايمكـن يطيـب=
مـدري: أنـا حظّـي كـذا ... والا تغـلاّ يامـلاك=
والا هوانـا مصلحـه .. والا أنـا مالـي نصـيـب=
ألوم عيني فيـك ! ميـر العيـن ماتعشـق سـواك=
وألوم قلبي ! ميـر قلبـي يعتبـرك أغلـى حبيـب=
وش بك مفهّي ؟ وش مخبّي في ضميرك؟ وش وراك؟=
وش تنتظر ؟ .. تبغى تجيني بعدما راسـي يشيـب!=
يازين لاتسمـع كـلام النـاس .. وأرفـع مستـواك=
اللي يودّي لك حكي .. باكر تـرى عنـدي يجيـب=
دواي عندك .. وإنت يـا كِـلّ الغـلا عنـدي دواك=
حرام يالغالـي يمـوت الـورد والـوادي خصيـب=
لولا أكسجين الحب وأنفاسـك .. تأكسدنـي هـواك=
قلبي تقول البيت الأقصى .. وإنـت حُبّـك تاللبيـب=
**