البدع: شدا الشامي=
*
أعذروني ياالرّفاقه ودّي أنشد وين همسة شوق=
أختطفها الموت .. وإلا السّارق المزّاح جاء نايب له=
الحرامي قلبه أقسى من صليب الحيد والصّالون=
صُبّ لي فنجال شاهي وأكثر النعناع والحُبّاقي=
أدري إنّ العمْر مرّه واحده واللي مضى مَ يعاد=
لاتظنّوني من أهل العشق وإلا خاطري ولْع ابها=
الخيانة شيّبت رأس المهلهل وأنتهى جسّاس=
لكن أهل المزح يبدي في نواصيهم لنا وسْم الجِدّ=
قد شبع قلبي وياكم صحْفةٌ قبلي تراق اثرود=
راعي المعْولْ يقرّب من شدا الشّامي ويتقلّع به=
وإلا لايقعد يسوّي كل ليلة محفلٌ وزير=
صبري اعلى سوسة الضرس المنيد أصعب عليْ من قلعه=
وأنت ياضرس العقَل ناوي على قلعٌ وكشْم لك=
والضروس الباقية كرّمتها وأحضرت عيدها=
**
الرّد: شدا الشامي=
*
مرحبا ياشمّري في ودّي أهمس لك بهمسة شوق=
كنت أنا وإيّاك واحد وش حصل فينا وجانا ياأبْله=
كم طردنا في ضواحي نجد بالهيلكس والصّالون=
وأقفت آلأيّام وأنت أقفيت وآنا أقفيت والحُبّ باقي=
واصطدفنا هكذا والصّدفه قالوا خير من ميعاد=
لعبة الشطرنج من يومي وأنا توّي صغير ألعبها=
ما لعبت إلا على صُلْب المكانه وإنتهاج السّاس=
وأنت ماتجهل محمّد غير تبقى مشكلتك اسم الجَد=
كيف مدري كيف؟ لكن جدّي الخامس ترى قثرود=
خلّنا نرجع لميدان اللّعِبْ .. والكفْو يتقن لعْبه=
أنا بآعلّمْك باسم الجندي اللي يأكل الوزير=
الجنود أتحتْلفوا .. والفيل والخيل أنتهت والقلْعه=
وأقترب من حضرتك جندي يقول أحذر وكشْ ملك=
أترك المحضور من صقر الجنوب .. أحذر تعيدها=
**