الشمالي .. مايبي يصبح .. وزير
ولا حلم يمـــسي أمير ..
الشمـالي صــار همّه ..
ياوطن (حبة شــعير) ..!!

* * * * * * * * * *
مجلس الشورى يبيلك .. صـــبح .. مــليناه ليلك
ليمتى وأهل الشمال .. ما شربوا من عذب نيلك؟
ليمتى وأهل الشمال .. ما تغـــنّوا في هــديــلك؟
مجلس الشورى .. دخيلك .. ما تشوف (شوي) ميلك..!!

* * * * * * * * * *
مجلس الشورى وطنا.. نشـــتريه ولا نبيع
للجميع.. أربع فــصوله.. أربعـتهن للجميع
ما هو لناس الخريف.. ولبعْض ناس الربيع
والوطن ما هو لعصبه.. والوطن ما هو لديره.. الوطن ذا للجميع..!!

* * * * * * * * * *
مجلس الشورى تصدق..
مالنا واحد يذود .. ولا يشارك في قرارك..
واسمنا أهل الحدود .. (اااه من ها لاسم هذا) ..مادري وشلون نتبارك..!!
مجلس الشورى .. وتصدق / ( اربعـــ400ــمية الف) حنا
يمكن اكــذب .. رحّ ودقـــق / واســـأل الإحــصـــاء عــــنّا..
وغيرنا ( ستــ600ــــمية الف) وعنده بمجلسك (ست)!!
يعني حنا بالحساب.. (اربعهْ) ونبقى صحاب!!

* * * * * * * * * *
مجلس الشورى .. نبي ..
لا رسول .. ولا نبي ..
نبغى واحد .. بس .. صح / لا انوجعنا .. قال : أح.