البارحه مريت والسوق مزحوم
من كثرة الاجوادمدري علامه
لقيت فيه العالم تدوج وتحوم
وابو شنب عينه بسود اللثامه
كلن على طرد المزايين مهموم
تقول سوق الزين دوامه
وانا دخلت السوق باقضيلي لزوم
بعلمك قبل العتب والملامه
ناوي بشري عقال وافصل هدوم
وشري عمامه غير هذي العمامه
وفجاه وانا مشغول في مكاسر القوم
الاوعيني بعين ظبي العدامه
بنت جميله زينها زين مرسوم
في عينها فارس مجرد حسامه
مرت بجنبي والحشا شبه معدوم
ومن قبل لاتمشي عطتني ابتسامه
وراحت مع السايق وانا اطيح واقوم
ودي اعرف اللي ذبحني غرامه
وسئلت سايقها ولا جاب لي علوم
قلت المها وش اسمها ياهلامه
ويهز راسه يقول مافي معلوم
جديد يعرف بس بابه ومامه
واشوفها تضحك واناحيل مصدوم
يالحب انا مبطي قليل فهامه
ورديت لاكاسب ولا مفصل هدوم
مدري رداة الحظ والا الغشامه
وسلااااااامتكم