هذي مجاراة متواضعه لقصيدة الغالي المبدع (تراب القبر)
واسمح لي يالمبدع يا شديق تراها كيبورديه على السريع
لا تزرع الليل في وجه الصباح القريب=في تربة الياس ما تنبت غصون الفجر
لانهز جذع الفراق المستشك المريب=مادري تساقط رطب..والا تساقط عمر
لا تتعب العين من كثر البكا والنحيب=لذات طعم الوفاء من مر طعم الغدر
سكين ثلج الامل طعنه بصدر اللهيب=وملح السعاده نذرًه في عيون القهر
لا تزعج الشمس لا نامت بحضن المغيب=ولا تحسد الليل لو يفرح بنور القمر
لحن الفراق أختنق فينا وصوته شحيب=كن الموادع صحاري .. والمسافر مطر
يا ذيب بكًيت عيني وأنت تقنب قنيب=بعض البكا هيبته يمكن تفت الصخر
صحيح بعد الحبايب والمفارق مهيب=يا بعد هذي عيونه .. وانت كلك نظر