خلاص ... أبنهي القصة معك .. بأرتاح وانت أرتاح
وإذا .. حصلت أحد غيري .. تعال أرجوك .. بشرني


حبر القمر

بحبر القمر أكتب همومي = على سحابة شوق سواح
يضوي لها عذاب نجومي =وكم في ليلي نجم طاح
أنا مسافر حتى في نومي = وقلبي من همي كم صاح
دروب المحبه تعرف غمومي =وكل من حبيته بالجفا راح
طارت على اوراقي حلومي = والقلم وده من الكف استراح
حتى شمسي تحرق غيومي =ولا عاد الورد في ربيعي فاح
يغرق حرفي ببحر سمومي = والهم ينتظر في الحزن أفراح
يا عيوني لدمعي لا تلومي = الغدر عند الناس اصبح سلاح
دمعي ألوان تلون رسومي =وفي لوحة الخد الامل أنزاح
متى توصل للمحبين علومي = يمكن وافيهم يداوي الجراح