أرجو المشاركه ولو بالدعاء
فرحيل سلطان الخير ليس مجرد رحيل ,,,
صباح السبت .. يا موت الورود ..وصدمة الأغصان=صباح الهم .. وعيون البشر ..والحزن والعبره
صباح السبت ..يا صوت الرحيل .. وطعنة الأحزان=صباح الخوف .. يا طعم الفراق .. ودمعة الحسره
صباح السبت.. والديوان ينعي سيدي سلطان=كأن النعي نفسه..عذًبوه وضيًقو صدره
بكى حتى القلم وأحتار كيف يطاوع الديوان=بغى يستوعب الحزن الكبير .. وجف به ..حبره
ترى بعض الغياب يفوق حد الصبر والسلوان=وأخاف أستغفر الله لا يفوق الموت والقدره
وقف نبض الزمن .. وصدورنا تتنفًس الحرمان=ضحك وجه الحزن.. في مولد الاهآت والزفره
وحنا بعد جثمانه ..غدينا كلنا جثمان=أبو خالد غيابه حط في صدر الوطن.. جمره
ودمعات الفقير إن غاب كف الجود والإحسان=بكى من غيبة الكف الكريم ولا بكى فقره
وتبكيه القصايد .. والقصايد ما بكت لانسان=إذا ما كان روح الشعر .. والإحساس .. والفكره
وحتى الطير بعد الفاجعه ما يذكر الجنحان=طواه الدمع .. لين أصبح كفيف ومنحني ظهره
قسم بالله .. لولا الخوف والتصديق والإيمان=لنختار الوفاه .. وكلنا ننزل معه قبره
عسى الله يجمعه بالمصطفى في جنة الرضوان=ويا صبر الوطن في غيبته .. والكون يا صبره