|
((( الاعتراف الأول والاخير لوصايف تهامية ))
الاعتراف الأول والأخير......
اعترف لك...
وهذا أول اعتراف....بس.. آخر إعتراف...
بس لولا اني اخاف....ايه لولا اني اخاف
إن قلبك مثل ماهو ماتغير...مايهزه راح غالي..رد غالي
مايحرك فيه ساكن...مايبالي ...كان من مده استرحنا
واعترفنا باللي في بالك وبالي.....
اعترفلك... بس ودي تعترف لي:
الجليد اللي على احساسك وقف لي
ذوبته سنين فرقانا وتكسر؟
والا بعده مثل ماهو ماتغير؟!
آآآهـ لو تدري بحالي
آهـ من حالي..وانا اللي شايله عالم لحالي
وكل ماقول اعترف لك..
اسخير واستدير...وتبتدي ثورة سؤالي:
ياترى لو بعترف لك
وش يفيد الاعتراف؟؟
اعترف لك.. إيه..لـ لله
بس لازم اعترف لك
كيف يوصِّل لك خفوقي هالعذاب اللي وصلْ له؟!
كيييييييف اوصِّل لك عذابي؟
كيف اقلك ان ذيك الشامخات اللي فقلبي وفـ صوابي
اللي عاشت من زمان اللهو ليمن اعلنت ثورة شبابي
ملت قيودي..وصمودي...وطاولتني....ليمن اتعدت حدودي
كل هذا ليش؟؟
ليش هذا
من غيابك؟؟
من غيابي؟؟؟؟!!!
آآهـ منك آآهـ مني وآآآآآآهـ من جور الغياب
وايش اقلك عن حكاية هالغياب؟
عن سوايا هالغياب؟؟
عن سنين الجدب عن ذيك السحابه؟
اللي تمطر جرح فوق الجرح وتزود عذابه
اللي كلما جيت ابنسى ذكرتني
وناشدتني..متعبك وينه؟؟ علامه طال هالمره غيابه؟
آآهـ لو تدري بغيابك كيف موتني ودفنِّي
في قصايد شعر في ريحة ثيابك
بين لحد الذكريات اللي كل العمر طاف
الا ذيك الذكريات وقَّفت بي عند بابك
آآهـ لو تدري بغيابك..
كان ماتدري بغيابك..بعترف لك اعتراف
والا اقلك خل كل اللي بقلبي
حي مدفونٍ بقلبي
وخل هذا الاعتراف...في نهايات المطاف
الا قلِّـي وش نهاية المطاااااااااااااف!!!!
غامضه مثلك ومثلي؟
كل مانرجع نغيب...وظننا فينا يخيب
وكل ماجيت اعترف لك
شي يوقفلي هنا... مادري انت أو انا
قال لي يابنت عيب... وقال لك قفِّي وغيب
ونستخير ونستدير..وينفجر فيني سؤالي
حي لو هو الموت حالي...
ياترى لو بعترفلك
ياصلك هالاعتراف؟؟؟
مااظني ولا بـ اظني
حتى صوت الشوق خايف
قال اسكت؟ قلت اسكت
لو مضى عمري بحسايف
هذا انت مثل ماانت وهذا قلبك
مايهزه راح غالي رد غالي
ومايحرك فيه ساكن... وليش انا احرق فدمي؟
ليش عالم صار همي
وشلت هالعالم لحالي؟؟؟؟
ياحسايف ياحسايف يا حسايف
هذا انت مثل ما انت..
وهذي انا ابصمودي وبقيودي
وبشعوري اللي كتمته
ليييييين فجّربي وصاااااااااااايف
اعترفلك اني ما اقدر اعترفلك
مثل مانت (ماانت) شايف
من هذاك اليوم الاسود ليييين هذا اليوم الاسود
وهذا هو حال الوصااااااااااااااايف
كلمات/
وصايف تهامية
|