اقبلوها بعلاتها
الحزْن يمشي بختره=والفرْح مهموم وحزين
ليه التعاسه ثرثره؟=وليه السعاده كلمتين؟
طفل الحزن وش كبًره؟=وأطفال فرْحي ميًتين
صدري غدا مستعمره=والهم محتل ولعين
سقيت محصول الذره=ومات غصن الياسمين
لو ضاق مجرى الحنجره=والحزن ذرات اكسجين
الصدر يصبح مقبره=تشهد على موت السنين
الهم ربي قدًره=يبني بصدري خيمتين
يجبرني الليل أسهره=وراس مالي دمعتين
العفو عند المقدره=طبع الكرام الطيبين
والحزن مافيه (ا)ثمره=لكن عسى ربي يعين
إسمي معه في دفتره=ملت حروفي صفحتين
والفرح لو مات أكثره=باقيه يملاني حنين