04/01/2012, 04:36 PM
|
|
|
الزواج من لقيطه......؟؟؟؟؟
السلام عليكم ورحمة الله وبركاته
-------------------------------
قبل لا ابدا عرف كتيرين حيقولوو دي كيف تهرج في مووضع كدا لكن موضع يستحق اننا نتسائل فيلو ونتناقش ونعرف الاسباب الحقيقه
حبايبي الموووضع ده قالق نووومي ......
يعني دقت عليا وحده من صحباتي تبكي انها لقت الزوج المناسب وفارس الاحلام
الي حلمت بي سنين ودنين فيلو كول الموصفات الي تباها وتتمنها من مال وجمال واخلاق
وشخصيه وعلم وكل شي
لكن رافضين يزوجوها هوا
لانووو متربي عند عيله لكنو اصلوو لقيط اخدو من دار الايتام من ايام زمان مع انو رضع من الام وصار
ولدهم من الرضاعه
لكن تخيلو حتي عمانها واقربها الي مو سائلين فيهم طول السنوات
جو وادخلو في المووضوع وقالو لا ما تتزوج واحد بدون اصل
مع اني اكره الكلمه دي ...... كلنا لادم وادم من تراب
مع العلم الولد عمررو سته وعشررين.. ومدرس.. وبيكمل الماجستير.. وعندو نيه يكمل الدكتورا
مرتاح ماديا ومعنوياا اخلاق وزوق وادب ودين وجمال حتي
يعني نقدر نقول خالي من العيووب والكمال لله
مارح اطول عليكم
---------------------------
وهوا سؤال واحد
ابغا اجوبه بي منتهه الصرااحه
ليش وليش وليش ؟؟
ترفضي ؟؟
انتي يا بنت ليش ترفضي ولو كان فارس احلامك ؟
و انته يا اب لي ترفض تزوج بنتك من واحد لقيط ؟
وانته يا اخ ليش ترفض زواج اختك منو ؟؟
وانتي كمان يا ام ايش السبب الي يمنعك ؟؟
---------------------------
اوكي فاهمين انو لقيط
لكن
مالو زنب
ولازم النظره دي تتغيرر اوتزكروو ( اذا جائكم من ترضون دينه وخلقه فزوجوه )
يعني فاهمين وانا فاهمه
لكن بجد نفسي افهم السبب الحقيي ورا ده الرفض لدي النوعيه من النااس
رغم انهم احيان يكون احسن من احسن واحد
بجد اتمني نتناقش ونفهم
ونعرف
الاسباب الحقيقه
اتمني نتناقش بدون تجرريح وبدون تريقه علي الافكار وبدون زعل وبدون وبدون
لانو في الاخير اختلاف وجهات النظر لا يفسد للود قضيه
دمتوو بود حبايبي
ياحظ من عندهـ عجوزٍ وشـآيب..... وإلا حـــدى الثنتين ياسـعد عيــنه
|