يسعد أوقاتكم ياهل النبطي
هذه محاوله من ضمن محاولات أخرى وأنتم احكمو على جزالتها من عدمه
جيت أكتب أبيات شعري وأستحث القصيد=وأنا أدري إن المعاني لي تجي طايعه
فالعلم والمعرفه وافي وعندي رصيد=والكلمه لا قلتها يقلون لي رايعه
ماكلّ ما ينكتب شعر أو يسمى نشيد=بعض المعاني تصيب وبعضها ضايعه
ياديرتي ياعسى أيامك سعاده وعيد=في عهد بو متعب (إ)نهنيك ونبايعه
نردد إسمك ونهتف لك ونلبس جديد=وننبذ المغرضين ونرفض الشايعه
الدين والسنه منهجنا عنه مانحيد=ونعمة الدين للمسلم بدت يانعه
دون الوطن كلنا نحمل قلوبً حديد=والشعب ثابت على عادته وطبايعه
مانتبع الفوضوي في مذهبه والبليد=ومن يخالف يلاقي السيف ووقايعه
عشنا وحكامنا آل سعود وبهم نشيد=وغيرنا في نكد,, وشعوبهم جايعه
لنا بطولات مشهوده وماضي تليد=والحكم دستوره القرآن وشرايعه