يا علي صحت بالصوت الرفيع = يـا مـره لا تـذبـيـــن الـقــنــاع
يا عـلـي عـنـدكـم صفراً صنيع = سـنـهـا يـا عـلـي وقـم الـرباع
نـشـتـري يا عـلـي كـانـك تبيع = بالعـمـر مـيـر ما ظــنـي تـبـاع
شـاقـنـي يـا عـلي قـمرا وربيع = يــوم أنا آمر وكل امري مطاع
يوم أهـلـنـا وأهـل مـي ٍ جـمـيع = نــازلـيــن ٍ عـلـى جـال الرفاع
ضـحـكـتـي بـيـتـهـم وأنا رضيع = ما سوت دمعتي يــوم الـوداع
هــم بـرونـي وانا عـودي رفـيع = يا علي مثل ما تـبـرى الـيـراع
طـوعـونـي وانـا مـا كـنـت أطيع = وغـلـبـونـي وانــا قرم ٍ شجاع
دون مـي الـظـبـي وأم الـوضـيع = والـثـعـالـب وتـربـيـع الـشراع
راس ريـع ٍ دخـل في راس ريـع = مـسـتـطـيـل ٍ ووديـان ٍ وسـاع