جديد المبدع .. إن مريتم مشكورين
وإن طنشتم....... برضو مشكورين

علّمني الحب كيف أصبر على فرقاك=والهجر علّمني أتذكّرك وأتشوّق
لاشك بأبقى على ذا الحال لين ألقاك=محصور بين الرجاء والخوف ومطوّق
ليتك على سِكّة الرحمه تجُرّ أخطاك=مثل البخيل الغني لا قام يتسوّق
يروح وقته ( بكم هذا ؟ ) ( بكم هذاك ؟ )=عديم الأذواق لكن غصْب يتذوّق
ياصاحبي وإن ضحكت .. الوضع مايخفاك=أحيان لامن بكيت أرتاح وآروّق
تعال خذني معك وآعيش أنا بحْماك=وأرحم عليل ٍ كسير القلب ومعوّق
والا بلاش التفاني في سبيل إرضاك=خَلّ الهوى يلفظ أنفاسه ويتضوّق
ساعدني أرجوك لجل أنساك لجل أنساك=عاد إنت شاطر بنسياني ومتفوّق
***