اجب من فضلك بكل صراحه ؟؟
طبعا هجاوب بصراحة يا نبوضة ويارب يكون نصيب الاجابات دي احسن من اللي قبلها لاندي تاني او تالت مرة اجاوب
وملاقيش الاجابات هنا ...!!! عشان كدة هجاوب علطول وبسرعة يمكن يسعدني الحظ والاقي اجاباتي موجودة
1- قبل اسمك ماذا تحب ان تكتب ..؟
د/ ...
2- قطار حياتك الى اين يتجه ..؟
الي قدري الذي كتبه الله لي والي مستقبلي الذي اريده ...
3-ما جريمة الحضاره فى نظرك ..؟
البعد عن الفطرة ...
4- حيوان تشعر انه مظلوم ..؟
لو استطعت اطلاق هذا اللفظ علي الانسان على اعتبار انه من الرئيسيات كما يُصنف في علم الاحياء..؛ لقلت انه هذا الحيوان
وهو الظالم لنفسه مع الاسف ...!
5- حقيبه اسرارك عند من تودعها ..؟
انا مع امثل او الحكمة( مش عارف بالظبط ان كان مثل ولا حكمة ) السر اللي يخرج عن اتنين ميبقاش سر والاتنين دول
هما الشفتين او الشفتان يعني اي سر في الدنيا عشان يبقي سر لا زم يكون مع شخص واحد بس ... ولكن فيه حاجات
ممكن ناخد رأي بعض المقربين مننا فيها بدون ما تكون اسرار عسكرية هههههه ... يعني ممكن اخد رأي حد في حاجة
تظهر انها سر بس هي مش سر ولكن مش معروفة بشكل كبير والحاجة دي بتكون مع صاحبي محمد واحمد اخويا نادرا
ووالدي....
6- احد علماء النفس قال :باستطاعة الانسان العيش بدون اصدقاء ،فما رايك انت ..؟
اوافقه , ولكن اي حياة ؟
عن نفسي اميل للوحدة في اوقات كثيرة واستطيع التعامل معها بكافة الطرق اللي خطرت وقد تخطر وستخطر على بال البشر
وبستعين ببعض التمارين المفيدة ذهنيا في حالة اذا كنت لوحدي يعني بكون لوحدي بس مش وحيد .....
ولكن في نفس الوقت للاصدقاء اهمية كبيرة في حياتنا بغض النظر عما شاب مفهوم الصداقة في عصرنا الحالي من شوائب
قضت على الكثير من معناها السامي ولكن في بعض الاوقات يكون الصديق اقرب من اقرب الاقرباء..
7- اين تأخذك ذروة الغضب ..؟
الي قراءة القرءان والعزلة والابتعاد عن اي شيء حي وكل الناس اللي تعرفيني بتبعد عني وانا متضايق ومحدش بيزعل مني
وانا زعلان لان ده بيكون غصب عني ..
8- ما اجل شئ فى الاسلام ..؟
االحقيقة ان السؤال ده سألته لنفسي وانا صغير جدا وفضل معايا لدلوقتي .. وبفكر فيه كتير وفي رأيي ان الاسلام
بيتميز باكتر من حاجة عن سائر الديانات ..
واكتر شيء ( في رأيي ) مميز للاسلام عن غيره من الديانات انه لم يجعل وسيط بين العبد وربه ...
يعني .. اذا ارا الانسان ان يكلمه ربه يقرأ القرءان واذا اراد محادثته سبحانة وتعالي يتوجه اليه بالدعاء وهو يسمع ويرى
ويجيب اناء الليل واطراف النهار ..
يعني مش يروح الانسان ببساطة مرة كل اسبوع ويعترف بما جناه وما اقترفه ويطلب العفو المغفرة والتوبة من انسان مثله
من وراء ستار فماذا يملك هذا الانسان لنفسه حتى يعفو ويقبل التوبة من انسان مثله وبمنتهى البساطة يقول له انه قد تم العفو
عنه وقبول توبته وعليه الا يُخالف التعليمات والارشادات التي سيوصيه بها والا فسوف يذهب للجحيم !!
منتهى الاستهانة بعقل الانسان وفي هذا ايضا مشاركة لله في الوهيته لانه هو الوحيد الذي يحق له العفو وقبول التوبة او
المحاسبة والانصاف ...!
وهناك ايضا شيء مهم يُميز الاسلام عن غيره فهو دين الوسط بين الافراط والتفريط بمعني انه لا يبيح كل شيء ولا يُحرم
كل شيء : فنحن كمسلمين غير مطالبين بالرهبنة وايض غير مطالبين بالانغماس في شهوات الدنيا الفانية ....
و بمعنى ان الاسلام يُعاملنا كبشر نخطيء ونصيب ولا يطالبنا بان نكون مثل الملائكة منفذين فقط للاوامر ..
وطبعا هذه ليست دعوة للفسق ولكننا اؤمرنا بالخير مع احتمال ان نُخطىء ... فنحن لسنا ملائكة ابد الدهر ولسنا شياطين
منظرين ليوم الدين ومهمتنا الاغواء....
واكبر دليل على صحة كلامي ما نسمعه ونرا ه بين الحين والاخر عن جرائم رجال الدين في بلاد اخرى ...
وايضا يتميز الاسلام بانه بُني علي العقل والمشورة والنصيحة يعني مش مجرد اوامر ونواهي من غير تفسير ومفيهوش
كلمة ( كدة نفذ وخلاص انت هتعاند ربنا اكيد في حكمة من كدة انت متعرفهاش ) يعني بيدينا الفرصة للتدبر والتأمل ...
مع العلم بان كثرة السؤال تضر في بعض الامور ...
9- لماذا لم تصبح مشهورا ..؟
اعتذر عن الاجابة على هذا السؤال لظروف خاصة ...
10- متى يعاندك النسيان ..؟
مفيش حد يقدر يعاندني لاني عنيد جدا ههههههههه
11- متى يقسو قلبك ..؟
عند تطبيق حد من حدود لله هو ادعى للتنفيذ ولا يوجد حل للحد منه وتطبيقه في نفس الوقت..
12- هل حدث لك يوم وانتصرت على نفسك وحصيت عيونك ..؟
انا في صراع دائم مع عيوبي والحمد لله لم تنتصر عليَّ حتى الان ..
13- ما هو انطباعك عن السياسه ..؟
لعبة قذرة لانجيد كعرب لعبها .. و.. يكفي اننا كعرب ما زلنا نعاني مما اسميه سذاجة رد الفعل ...!!!
14- متى تخجل من نفسك ..؟
عندما اعصى الله وانا اعلم انه يراني وهو القدر علي معاقبتي ولكنه يتركني ...!
بل ويستجيب لي ولتوبتي ان كانت نصوحة ..!
15- فى زمن البحث عن الماده ، عن ماذا تبحث انت ..؟
عن نفسي ...!
16- ما هو هدفك فى الحياه ..؟
تحقيق ما ارجوه في المستقبل القريب والحمد لله انهيت جزء كبير من تطلعاتي التي ستذعني على بداية الطريق
لان 2006 كان عام الشغل والعرق والبهدلة هههههههه ومنتظر الناتج في 2007 وان شاء الله احصل علي الشهادة اللي
عاوزها فيه ..!
17- هل انت سلبى ام ايجابى ..؟
كنت ايجابي علي طول الخط مما سبب لي العديد من المشاكل والان احاول ان اجاري الموقف الموضوع فيه واكون سلبي عند اللزوم وعلى العموم انا عربي ... اذن انا سلبي ..
18- رتب هذه الكلمات حسب الاولويه لك ( المال - الصحه - اعلى المناصب - الزوجه او الزوج -الاولاد - راحة البال )
الصحة وراحة البال مع بعض ثم المال فالزوجة ..
وده مش لان الفلوس اهم من الزوجة والاولاد ولكن لاني اصلا مش متجوز وانا معاهد نفسي اني مش هخطي الخطو دي
الا لمَّا اكون مستعد ليها من اكتر من جانب واولهم الجانب المادي عشان اقدر اوفر حياة كريمة لمن ارتبط بها ...
19- عندما ياتى اليك احد اقاربك وشخص غريب عنك ولديهما مشكله هل تتتعامل مع مشاكلهما بنفس الاهميه ؟
ولما لا ؟
20- لو فجات بخيانة شخص عزيز جدا عليك ، كيف يكون تصرفك ..؟
ده بيعتمد علي الشخص نفسه ونوع الخيانة ...
21- لو طلب منك ان تكون وزير ،اى الوزارات تختار ؟،وما هى اولى قراراتك ..؟
ميهمنيش اني اكون ورير ولو اللي انا عاوزة لمصلحة البلد اتحقق وانا في مكاني مش هزعل خالص وهاقف ورا اللي حققه
بس انا نفسي اننا في مصر نهتم شوية بالسياحة والعنصر البشري اللي بيعتبر منجم دهب لا ينضب في دول تانية كتير مصر
مش اقل منها والدليل على كلامي ان مفيش دولة في العالم مفيهاش مصريين وخصوصا الدول العربية لان تحويلات المصريين
المقيمين بالخارج من مصادر الدخل القومي عندنا بالاضافة لقناة السويس والسياحة ...
ونفسي كمان ان سيناء تكون العاصمة عشان تعمر بالسكان ويخف الضغط عن القاهرة عشان كمان العشوائيات اللي هتظهر
فيها هتقضي علي البلطجية وقطاع الطرق اللي بيتسللوا لينا من على الحدود وبكدة نخلص من بلاوي كتير
22- اكيد تحب دولتك ولذا عبر عنها بكلمتين فقط ..؟
مفيش حاجة علي ذهني غي لو لم اكن مصريا لوددت ان اكون مصريا
23- من الاعضاء اللى متابع كتابتهم ..اكتب كلمه عن شخصيتهم من خلال قراتك لموضوعاتهم ..؟
اعتذر عن الاجابة لان فترات تواجدي في رباع للاسف لا تسمح لي بابداء رأي سليم في الاعضاء واي رأي سيكون بنأءا علي
ما رأيته في اماكن اخرى ...
شكرا نبوووضة ويارب المرة دي الاجابات توصل