ياحبيبي ياامنياتي يابعد كل الاماني=يا سناء ضيّ النهار ويا مصابيح الضلام
انت للاشواق كلمة تختصر كل المعاني=وانت للاحساس معنى يختصر كل الكلام
يابحر شوقي وحبي والمراسي والمواني=وانت كل اوطان عمري وانت داري والسلام
وانت عنوان البدايه والنهايه في زماني=عيد ميلادي وموتي والحدث في كل عام
دق نبض القلب بااسمك باالدقايق والثواني=استحلّيت الفواد اللي على غيرك حرام
آه يا ضيّ العيون اللي بنضراته سباني=ضمّني بين الرّموش السود في لحضه ونام
لو نسيت الحب لحضه يستحيل انه نساني=كيف ينساني وله في داخل اعماقي مقام
يمكن الوصل اعتذرني يمكن الهجر ابتلاني=المهم ان الزهر ترويه قطرات الغمام
لا عزف لحن المحبه ذابت اوتار الاغاني=يطرب القلب الحزين وحرّك اشجان الغرام
يصدح البلبل وصوت البلبل الشادي شجاني=والخوافق له تميل ولا على قلبي ملام
كنّها اعصابي وتر يعزف عليها دن داني=منه تبقى ذكرياتي والمشاعر في هيام
كلها الدنيا فدا حب احتويته واحتواني=اعتبره اغلى هديه واعتبره اغلى وسام
ماملكني الا هواك ولا لعمري حب ثاني=انت.انا.وانا.انت. مفرد ما يفرّقه الخصام