فيه واحد شاف توقيع بنت في إحدى المنتديات كاتبة :
أبوي يذبح للنشاما مفاطيح
وانا برمش العين أذبح نشاما
فرد عليها يقول :
أبوك نشمي عادته هبّة الريح
يكرم الضيفان طبع الحشاما
ما كل من حط اللثامة ذوابيح
العنز يذبح رمشها في اللثاما
إنتي اهتمامك فالشّـعَر والتّساريح
والخافي أعظم من حلال وحراما
ما غير أكل ونوم صرتوا دراميح
متكمكمة كُـبر الجمل والنعاما
بنات آخر وقت وعقولكن ميح
أمثالكن نقرأ عليها السلاما
العَـود في المسجد يصلي التراويح
يطلب عفو ربه بشهر الصياما
وإنتن مع السواق دايم مراويح
يومي شليلك واللثايم تواما
سوّاقكم يشكي على ابوك ويصيح
يقول يا بابا ماذوق طعم المناما
وبعض البنات لا والله إلا طحاطيح
متحشمة ولها علينا إحتراما
مما راق لي وحبيت نقله إليكم .