افنان قبل اعلن رحيلي واخليك ... عندي سـؤال بخاطـري دار ياافنـان =
قلت اسالك دامي لهالحينه اغليك ... ماادري غلاي الي بنيتي له اركـان =
هو باقي بجوفك لهالحينه وفيك ... ولا نسيتيني بعـد كـان مـا كـان=
انا بعد ماعشت عمري بياديك ... وشلون اباطرد كل لحظـات الاحـزان =
حبك جرف قلبي رجعنا لماضيك ... مرت بي اطيوفك على مـر الازمـان =
من يوم مارحتي وانا اذكر حكاويك ... واذكر سواليفك على ورد الاغصان =
لكن خلاص انهيت حبا نما فيك ... وابعدت عن دربـك ولا فيـه نكـران =
وتدرين يوم اني جفيتك ولا اجيك ... ماهو جفا مني غلاتك لهـا شـان =
من كثر مااحبك واعزك واداريك ... بنيت لك في داخلي كـون واوطـان =
ومن كثر مااحبك واعزك امعليك ... انتي مدينه عايشـه داخـل انسـان =
بيني وبينك عهد يابنت ابا اوفيك ... واول بناتي اسمها لاجلـك افنـان =