يطبــــع

الصلح بين الناس سنه من الشرع=واللي يكب الصلح لاشك خسران
ومن لارضي الحمى يجيه السقم سرع=تجيه نفاضه لها بات سهران
انا نصحت ونيّتي اصفى من اليرع=لكنهم غمّو على عقل زمران
اللي يطاوع شور مايجرعه جرع=يخفي عليّ ومكرهم منه دمران
ليته خذاها درس لينه سرى ترع=وليته عن اهل الغدر بالروح شمران
الشور يوخذ من هله ساعة القرع=ماجاب منهو فاقد الشي عمران
والاصل مايرجع بالاشوار للفرع=والشور مايوخذ من اصحاب الافران
الصاحب اللي فالسعه درّ له ضرع=وقت الشدايد يختفي عند الاقران
والله اني احب الخوي وازرع الزرع=ماودي اشوفه يجي يوم ضمران
لاشك انا للصاحب الطاس والدرع=افديه بالغالي وانا ولد زهران
فالحق بين الناس والمقديه برع =واهل الخطل من شارهم بات خسران