أكاديمـيـة العرضـة الجنوبيــة - ربـاع - عرض مشاركة واحدة - مدونة ونات ونة جنوبية ( أرحب بمشاركة الجميع في مدونتي )

طالب ومدرسة ..
-----------------------
أبشرك .. رجعت طالب مدرسة ..
عندي قلم ..
وعندي انا دفتر ..
عشان فكري ندرسه ..
وابشرك ..
إني صغرت وصرت أفهم من جديد ..
وصرت احب المدرسة ..
عشان فيها مدرسة ..
...
بس الحقيقة فيها قسوة قاسية ..
حتى العواطف عندها ..
مع الحجر متواسية ..
ويمكن بعد هي تفرسه ..
وإذا سألنا وين قلبك ..
تلتفت .. وهيه تقول :
وينه صحيح .. وين حطيته انا ..
والله اني ناسية ..
مدرسة !!!
لكن أبد .. مكرسة كل جهدها .. للمدرسة
أحيان إذا نغلط في حرف ..
عقابها بالمكنسة ..
هيه صحيح مدرسة .. حلوة أنيقة رائعة ..
واغلى الحلي هي تلبسة ..
واعطورها منها ولها .. لكنها موسوسة ..
تبي تكون الظالمة العادلة ..
الجافلة الوادعة ..
الشامخة اليائسة ..
وهي كلها ..
واحيان تبغى تكون إلوحدها ..
مع قلبها اتونسه ..
...
مدرسة نفهم معاها كل شي ..
حتى الغبي اتفهمه وتحسسه
إنه معانا عبقري ..
تشرح جزيئات الزمن ..
بدون من ..
مدرسة ..
خلت زوايا عقولنا امقوسه
مدرسة عند الغضب .. (( جمعة غضب ))
بنزين في نار وحطب ..
عقابها شيٍ جديد ..
جديد هيه اتأسسه ..
وبالذات انا من بينهم ..
ترفع تقاريري تقول ..
عيونه دايم ناعسه .. ولا عجبني ملبسه
دايم يكرر غلطته ..
دايم يفكرني رحوم .. ويبغاني دايم احرسه والله يخسى .. بيدي أنا اللي بخرسه
مدرسه ياقوها ..
تشوفها ....
تقول الحنان ..... ربي خلقها اتدرسه ..
وأي ظلم ماتعرفه .. هي تشتريه اتجنسه ..
وتشوفني .. واقف هناك في فسحتي ..
ذا وقت عشقي وراحتي ..
واحيان هالفسحه القليله فرحتي ..
تجيني تقول :
جالس هنا وش تنتظر .. ؟
قلت القمر ..
ضحكت معي ضحكة غضب ..
والسوط معها اتدسسه ..
وجتني تقول افتح يدك !!!
وفتحت انا قلبي لها .......
......... وقفت شوي ... ثم فكرت ....
قالت لي قلبك مافهم ..
قلبك اكيد نايم سنين ..
متى متى بتجلسه ..؟
تعهداتك عندنا ياكثرها ..
وشهادتك امفلسه ..
حتى علاقاااااتك ...
وجت تكمل قلت : لا
لا .. لا ... دخيلك وقفي *
صحيح انتي مدرسه ..
لكن حقوقي واضحه .. وانتي عليه جارحه ..
وش هي علااااااقاتي ..
دفتر .. كتاب .. اتنفسه ..
وش هي علااااااقاتي ..
حبي اللي فيني أغرسه ..
خافي من اللي فوقنا ..
لا تقتلي ..
اللي بقي من شوقنا ..
....
وابشرك ماصار شي .. للآن ماصار شي ..
باقي أنا في المدرسه .. وعقابها ما وقعوه ..
ولا ادري وش اللي كاتبه ..
لا ما دريت اش كاتبه ..
ولا دري بعد هيّه خلاص ..
صارت حليل ..
أو العناد هو طبعها .. وقاسيه ومتغطرسه ..
أبا انتظر ربي الكريم ..
أبا انتظر ربي الكريم وش كاتبه ..
****