((من عزتي مرضى على النفس تنهان ))

من عزتي مرضى على النفس تنهان= =ولا عاش مخلوق(ن) تجاهل وجودي

العز طبعي من على ماض الازمـان==مخضع ياكود لربنا في سجودي

الرجل عقل وقلب واحساس ولسان == بعض العرب عرفه عسى مايعودي

ولا جامل الغلطان لا صار غلطـان ==اعلمه حتى يعرف الحدودي

وقايـس الرميه على عـيار نيشان == ماتنقص الرميه ولا هي تزودي

وانطق بقول الحق وبليس شيطـان == مانيب للحق المسمى جحودي

والمسلم اللي ماتحلا بالايـمان == احسن نعده من حساب اليهودي

والناس تـال أيــامنا طبعها شان == ماعم كل الخلق عد معدودي

بعض العرب قلبه من الحقد مليان == يالله لاطّول حياة الحسودي

وبعض العرب خاين وللعهد خوان == مايلتزم بالعهد ناقض عهودي

وبعض العرب مستور والبعض عريان ==وبعض العرب والله تغث الكبودي

وبعض العرب يركض على الشر عوان==احسب حسابه فالليال مهجودي

وبعض العرب عده من زحول فرسان= =بالهرج وان جاء فعله اسبق شرودي

وبعض العرب من مكسب الطيب خسران ==مافاد نفسه مال احد منه فودي

وفالناس خسرانٍ وفالناس كسبان == والطيب اللي عن حياضه يذودي

هذاك رمز الاسم والاسـم عنـوان = = حطه على يمناك ضمن العضودي

راع الكرم والجود هو طير حـوران == اللي على الجزله قديح الزنودي

والشعـر سبك وحبك والمـام ووزان == ومصنفٍ للناس حسب البنودي

شعرٍ على معنى وحجه وبرهان==وكلٍ على ماقيل حسب الجهودي

وشعر(ن)على نسج الخيال وبناء شان= =تصنيف شاعر كل حبل معقودي

ومن هيض ولا غيض والعلم وكدان ==وتلقى على ماقول ناسٍ شهودي

وبعض الشعر ماله مع الناس ميزان= =لاقال شعره قالوا انه يدودي

هذا كلام اللي يقوله بوكدان= =مافي عرين الفهد غير الفهودي





لوكم ارق واجمل تحياتي