دوّريني عاد .. يالله دوّريني= صدّقيني كل ماشفتك .. أضيع
وإن لقيتيني .. على الصدر أحضنيني=مثل حضن الأُمّ للطفل الرضيع
آآه وا ويلاه .. مدري صرت ويني؟=حاير الخطوه على الخط السريع
والبلى كِلّه سبب قلبي وعيني=إختياري تَمّ من بين الجميع
يوم شفتيني (غمرتك في حنيني)=وأحتمل قلبي بما لا يستطيع
إنتي أول من يبيع ويشتريني=وإنتي أول من شرا فيني ويبيع
سِرّي المكنون .. مابيني وبيني=محترق .. محترّ .. والدنيا ربيع
وش يجيب إيديك في راحة يديني؟=وش يخلّي قلبك العاصي يطيع؟
لو يجيك اللي من اللوعه يجيني=كان شفتي ضِيقة الكون الوسيع
والنهايه بعد ماضاعت سنيني=شوفتك مُنْوه ... وهجرانك فضيع
**=