يمطر لغيري من حنانك سحابك .. ويموت قلبي ظاميٍ بين أياديك
رجيت عطفك بس ، طال الرجا بك .. لين انقطع باليأس كل الرجا فيك
************
غديت مثل العود مشراه غالي .. وغلاه لجله يحرقونه على النار .
تشوف دخانه يجي له ظلالي .. ويروح كنّـه ماتكوّن ولا صــــــار
************
فدوة عيونك لو غدت روح مغليك
وش عاد لوراحت لعينك عشاير
ابيع مايغلى على الكون واشريك
واسوق لى جتنى علومك بشاير
وازعل جميع الناس بالحيل وارضيك
واصبر ولودارت على الدواير
وآخذ من ايامي لك ايام واعطيك
وان راح عمري لك فلا هو خساير
************
يحسدونا ليش يجمعنا والوفا؟؟
وليش باقي الكون متعود يخون؟؟
خلنا نبقى سوى صبح ومسا..
مثل الطيور تعيش في حضن الغصون..
وان عيوني صابها بعدك عما؟؟
أنــــا بوجودك ترى كلي عيــون......
************
تدري ليه الليل يتليه النهار؟
لأجل تنفرج ضيقة الصابرين
وتدري ليه الحظ مافيه اختيار؟
لأجل نبلا ثم نعين ونستعين
وتدري ليه الله خلق قلبي يسار؟
لأجل قدرك دااااايم بصدري يمين
************
رفيقي الغالي من الروح للروح
ماكنت اظنه في وصالي قطوعي
ليته تكرم باتصاله ومسموح
والي شحن صدري تشيله ضلوعي
لاخاطر يضحك ولا بال مشروح
ولارفيق بالمواقف بتوعي
ساعه نقضيها سواليف ومزوح
وساعه تمر كانها تروح روحي
***********