أكرهك و أحبك ولا أبيك وأبيك أكرهك وأحبك ولا أبيك وأبيك
لخبطت فكري ماعرفت الحقيقه
ماتوقعت أعشقك في يوم وأغليك
لين ماحبك أشعل بقلبي حريقه
تاهت بحوري وأنا أدور موانيك
والروح بغيابك وبعدك غريقه
والقلب يتبع بالمشاعر خطاويك
ودروب غيرك تشكي الضيقه
راضي بتعبك وأتحمل بلاويك
وماطيق غيرك ولا حتى دقيقه
انسى اني أكون بيوم ناسيك
محد بعد المحبه ينسى عشيقه
يفز قلبي لاجابو الناس طاريك
حبك قدر عمري ونورك طريقه
أهديك كلي وانا وكلي لمعاليك
وأهديك كل الورد واحلى رحيقه
من قال ماحبك ولاأبيك وأبيك
هذي خرابيط شاعر بحكم السليقه
ولا الحقيقه تراني مبتلي فيك
مثل ظامي يحتري من يبل ريقه
واخرها تذكرني ليا هلت لياليك
انت حبيب القلب وانت صديقه